പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം നടത്തിയ യുവാവ് അറസ്റ്റിൽ

പെരുമ്പാവൂർ: പ്രായപൂർത്തിയാകാത്ത പെൺകുട്ടിയോട് ലൈംഗികാതിക്രമം നടത്തിയ കേസിൽ യുവാവ് അറസ്റ്റിൽ. മാറമ്പിള്ളി പള്ളിപ്രത്ത് വാടകയ്ക്ക് താമസിക്കുന്ന മലപ്പുറം സൗത്ത് പൊന്നാനി ചന്തക്കാരൻ വീട്ടിൽ സിദ്ധിഖിനെയാണ് (സിദ്ദിക്കുട്ടി,​ 33)പെരുമ്പാവൂർ പൊലീസ് അറസ്റ്റ് ചെയ്തത്. പെൺകുട്ടി താമസിക്കുന്ന വീട്ടിൽ അതിക്രമിച്ച് കയറി ലൈംഗികാതിക്രമം നടത്തുകയായിരുന്നു. ഇയാളെ തമിഴ്നാട്ടിലെ തിരുപ്പൂരിൽ നിന്നാണ് അന്വേഷണ സംഘം പിടികൂടിയത്. ഇൻസ്പെക്ടർ ടി.എം. സൂഫിയുടെ നേതൃത്വത്തിലുള്ള അന്വേഷണ സംഘത്തിൽ എസ്.ഐമാരായ റിൻസ് എം. തോമസ്, പി.എം. റാസിഖ്, എ.എസ്.ഐ അബ്ദുൾ മനാഫ്, സി.പി.ഒമാരായ എം.എച്ച് ഷഫീക്ക്, എ.കെ.നജ്മി, ഷഹാന സലീം എന്നിവരാണ് ഉണ്ടായിരുന്നത്.