താഴികക്കുടം സമർപ്പിച്ചു

വൈക്കം : കിഴക്കേനട ക്ഷീര വൈകുണ്ഠപുരം പാർത്ഥസാരഥി ക്ഷേത്രത്തിലെ നവികരണ കലശത്തിന്റെ ഭാഗമായി താഴികക്കുടം ക്ഷേത്രനടയിൽ സമർപ്പിച്ചു. ക്ഷേത്ര പുനരുദ്ധാരണ സമിതിയുടെ നേതൃത്വത്തിൽ നടന്ന ചടങ്ങിൽ, ആറാട്ടുകുളങ്ങര കാർത്തികയിൽ അനിൽ കുമാർ നടയ്ക്കൽ സമർപ്പിച്ച താഴികക്കുടം മേൽശാന്തി വടശ്ശേരി നീലകണ്ഠൻ നമ്പൂതിരി ഏ​റ്റുവാങ്ങി. ചടങ്ങിൽ ക്ഷേത്രം പ്രസിഡന്റ് ബി.ജയകുമാർ, സെക്രട്ടറി രജേന്ദ്ര ദേവ് , രാധാകൃഷ്ണൻ നായർ , പ്രതാപൻ , ഗോപകുമാർ, ടി.വി. മോഹനൻ,കെ.ഡി. സന്തോഷ്, ബി. ശിവപ്രസാദ്, തുടങ്ങിയവർ പങ്കെടുത്തു. പ്രതിഷ്ഠ മേയ് 28 ന് രാവിലെ 6.15 ന് നടക്കും.