മൂലമ്പിളി പാക്കേജ് സംവാദം

കൊച്ചി: കെ.സി.വൈ.എം വരാപ്പുഴ അതിരൂപതയുടെ നേതൃത്വത്തിൽ ആരംഭിച്ച സംവാദത്തിൽ മൂലമ്പിള്ളി സമരവുമായി ബന്ധപ്പെട്ട് ചർച്ച നടന്നു. ചടങ്ങിന്റെ ഉദ്ഘാടനം മഹാരാജാസ് കോളേജിന്റെ മുൻ പ്രിൻസിപ്പൽ പ്രൊഫ.കെ. അരവിന്ദാക്ഷൻ നിർവഹിച്ചു. കെ.സി.വൈ.എം വരാപ്പുഴ അതിരൂപതാ പ്രസിഡന്റ് രാജീവ് പാട്രിക് അദ്ധ്യക്ഷനായി.

മൂലമ്പിള്ളി റീഹാബിലിറ്റേഷൻ പാക്കേജ് കോ- ഓർഡിനേഷൻ കമ്മിറ്റി ജനറൽ കൺവീനർ ഫ്രാൻസിസ് കളുത്തങ്കൽ സംവാദം നയിച്ചു. മൂലമ്പിള്ളി ഇടവക വികാരി ഫാ. സെബാസ്റ്റ്യൻ കൂട്ടുങ്കൽ, കെ.സി.വൈ.എം വരാപ്പുഴ അതിരൂപത ഡയറക്ടർ ഫാ. റാഫേൽ ഷിനോജ് ആറാഞ്ചേരി, ട്രഷറർ പി.ജെ. ജോയ്‌സൺ എന്നിവർ സംബന്ധിച്ചു.