സരിന് നൽകിയ ശമ്പളം വലുതല്ല: തോമസ് ഐസക്

കണ്ണൂർ: വിജ്ഞാന കേരളം മിഷനിലെ നിയമനത്തിന് ഡോ. പി.സരിന് നൽകിയ ശമ്പളം വലുതാണെന്ന് തോന്നുന്നില്ലെന്ന് മുഖ്യ ഉപദേഷ്ടാവായ ഡോ. തോമസ് ഐസക് മാദ്ധ്യമങ്ങളോട് പറഞ്ഞു. സരിനെ പോലെ ഐ.എ.എസ് യോഗ്യതയുള്ള ഒരാൾക്ക് 80,​000 രൂപ അധിക ശമ്പളമല്ല. മുൻ മന്ത്രി സി.രവീന്ദ്രനാഥ് ഉൾപ്പെടെയുള്ളവർ വിജ്ഞാന മിഷനിൽ നേതൃത്വം നൽകാൻ എത്തുന്നുണ്ടെന്നും പറഞ്ഞു. മൂന്നുലക്ഷം കുട്ടികളെ തൊഴിൽ പഠിപ്പിക്കുകയെന്നത് ചെറിയ കാര്യമാണോയെന്നും അദ്ദേഹം ചോദിച്ചു.