ലഹരി വിരുദ്ധ ബോധവത്കരണം

തൃശൂർ: അമലയിൽ പ്രവർത്തിക്കുന്ന ആബാ സൊസൈറ്റിയുടെ നേതൃത്വത്തിൽ പ്രദേശത്തെ വിദ്യാർത്ഥികൾക്കായി ലഹരി വിരുദ്ധ ബോധവത്കരണം, പഠനോപകരണ വിതരണം, എഴുത്തിനിരുത്തൽ എന്നിവ നടത്തി. മുൻ ഡി.ജി.പി ഋഷിരാജ് സിംഗ് ഉദ്ഘാടനം നിർവഹിച്ചു. ചടങ്ങിൽ അമല നഗർ സെന്റ് ജോസഫ്‌സ് പള്ളി വികാരി ഫാ. ഫിനോഷ് കീറ്റിക്ക, കെനിയൻ മിഷൻ സെന്ററിലെ ഫാ. ജേക്കബ് അച്ചാണ്ടി, ആബാ സൊസെെറ്റി ചെയർമാൻ ഫാ. ജൂലിയസ് അറയ്ക്കൽ, മോഡറേറ്റർ ഫാ. ഡെൽജോ പുത്തൂർ, പ്രസിഡന്റ് സി.എ.ജോസഫ്, കൺവീനർ പി.എൽ.ഡേവിസ് എന്നിവർ പ്രസംഗിച്ചു. മുന്നൂറോളം വിദ്യാർത്ഥികളും രക്ഷിതാക്കളും പങ്കെടുത്തു.