എം.ഡി.എം.എയുമായി മൂന്ന് യുവാക്കൾ അറസ്റ്റിൽ

കൊച്ചി: സിറ്റി പൊലീസ് പരിധിയിൽ എം.ഡി.എം.എയുമായി മൂന്ന് യുവാക്കൾ അറസ്റ്റിലായി. പാലാരിവട്ടം സ്റ്റേഡിയം ലിങ്ക്റോഡിന് സമീപം പൈപ്പ്‌ലൈൻ റോഡ് ഭാഗത്ത് കൊച്ചി സിറ്റി ഡാൻസഫ് നടത്തിയ പരിശോധനയിൽ 4.63 ഗ്രാം എം.ഡി.എം.എയുമായി അരൂർ കുന്നത്തുപറമ്പിൽ ജോബിൻ ജോസഫിനെ (31) പി​ടി​കൂടി​.

പൊന്നാരിമംഗലം റെയിൽവേ മേൽപ്പാലത്തിന് സമീപം മുളവുകാട് പൊലീസ് നടത്തിയ പരിശോധനയിൽ 0.53 ഗ്രാം എം.ഡി.എം.എയുമായി മാള പുത്തൻച്ചിറ വല്ലത്തുപ്പടി വി.എ.അസ്‌ലം (31), വയനാട് കരുവന്താനം സ്വദേശി അഭിജിത് (30) എന്നിവരാണ് പിടിയിലായത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.