ജപമാലയുടെ ജന്മാന്തരം

ധർമ്മശാല; ഹി​മാ​ചലിലെ മ​നോ​ഹ​ര​മാ​യ​ മ​ല​യോ​ര​ പ​ട്ട​ണം. ടി​ബ​റ്റ​ൻ​ പ്രവാസ സ​ർ​ക്കാ​രിന്റെ ആ​സ്ഥാ​നമാണ് ധ​ർ​മ്മ​ശാ​ല​യി​ലെ​ മ​ക്ലി​യോ​ട്ഗ​ഞ്ച്. ഇന്ന് തൊണ്ണൂറാം പിറന്നാൾ ആഘോഷിക്കുന്ന പതിന്നാലാമത് ദ​ലൈ​ലാ​മ​യു​ടെ ​ഔ​ദ്യോ​ഗി​ക​വാ​സ​സ്ഥ​ല​വും ഇവിടം തന്നെ. ബു​ദ്ധ​ മ​ഠ​ങ്ങ​ൾ​,​ മനോഹരമായ പ്ര​കൃ​തി​ദൃ​ശ്യ​ങ്ങ​ൾ​,​ സ​മ്പ​ന്ന​മാ​യ​ ടി​ബ​റ്റ​ൻ​ സം​സ്കാ​രം​ എ​ന്നി​വ​യ്ക്കെല്ലാം പ്രശസ്തമാണ് ധർമ്മശാല. 1​9​5​9​-​ൽ​ ചൈ​നീ​സ് സ​ർ​ക്കാ​ർ​ (​P​e​o​p​l​e​’​s​ R​e​p​u​b​l​i​c​ o​f​ C​h​i​n​a​ –​ P​R​C​)​ ന​ട​ത്തി​യ​ വം​ശീ​യ​ പീ​ഡ​ന​ത്തെ​ത്തു​ട​ർ​ന്ന് ദ​ലൈ​ലാ​മ​യും​ അ​ദ്ദേ​ഹ​ത്തെ​ പി​ന്തു​ട​ർ​ന്ന​ 8​0​,​0​0​0​ അ​നു​യാ​യി​ക​ളും​ ധ​ർ​മ്മ​ശാ​ല​യി​ലേ​ക്ക് എ​ത്തി​യ​പ്പോ​ൾ​,​ ഇ​ന്ത്യ​ അ​വ​ർ​ക്ക് അ​ഭ​യമേകി. അ​വ​ർ​ ടി​ബ​റ്റ​ൻ​ പ്ര​വാ​സ​ സ​ർ​ക്കാ​ർ​ രൂ​പീ​ക​രി​ച്ച്,​ ദ​ലൈ​ലാ​മ​യെ​ അ​തി​ന്റെ​ ത​ല​വ​നാ​യി​ തി​ര​ഞ്ഞെ​ടു​ക്കു​ക​യും ചെയ്തു. ഇത് ചരിത്രത്തിന്റെ ആമുഖം.
​സാ​ങ്കേ​തി​ക​മാ​യി​ ടി​ബ​റ്റ് ഒ​രു​ സ്വ​ത​ന്ത്ര​ രാ​ഷ്ട്ര​മാ​യി​രു​ന്നു​. സ്വ​ന്തം​ പ​താ​ക​,​ ക​റ​ൻ​സി​,​ സ​ർ​ക്കാ​ർ​,​ സൈ​ന്യം​... മറ്റു ലോ​ക​ രാ​ഷ്ട്ര​ങ്ങ​ളും​ അ​ന്താ​രാ​ഷ്ട്ര​ സം​ഘ​ട​ന​ക​ളും​ നി​യ​മ​പ​ര​മാ​യി​ ടി​ബ​റ്റി​നെ​ അം​ഗീ​ക​രി​ച്ചി​ല്ലെ​ങ്കി​ലും​,​ നാല്പതു വ​ർ​ഷം​ (​1​9​1​2​ മു​ത​ൽ​ 1​9​5​0​ വ​രെ​)​ ടി​ബ​റ്റ് സ്വ​ത​ന്ത്ര​മാ​യി​ പ്ര​വ​ർ​ത്തി​ച്ചി​രു​ന്നു. ഇ​തു​ കൂ​ടാ​തെ,​ ഇ​ന്ത്യ​യ്ക്കും ചൈ​ന​യ്ക്കും​ ത​മ്മി​ൽ​ അ​തി​ർ​ത്തി​ ഉ​ണ്ടാ​യി​രു​ന്നി​ല്ല​ എ​ന്ന​ത് പ്ര​ധാ​നമായിരുന്നു. ഇ​ന്ത്യ​യ്ക്ക് ടി​ബ​റ്റ് വ​ഴി​ മാ​ത്ര​മേ​ അ​തി​ർ​ത്തി​ ഉ​ണ്ടാ​യി​രു​ന്നു​ള്ളൂ​. എ​ന്നാ​ൽ​ 1​9​5​0​-​ൽ​ ടി​ബ​റ്റി​നെ​ ചൈന അ​ധീ​ന​ത​യി​ലാ​ക്കി​. ഇ​തോ​ടെ​ ബ്രി​ട്ടീ​ഷ് ഇ​ന്ത്യ​യും ചൈ​ന​യും​ ത​മ്മി​ലു​ള്ള​ അ​തി​ർ​ത്തി​യാ​യി​രു​ന്ന​ മ​ക്മോ​ഹ​ൻ​ ലൈ​ൻ​ നി​യ​മ​പ​ര​മാ​യും​ യ​ഥാർത്ഥമാ​യും​ ഇ​ന്ത്യ​-​ ചൈ​ന​ അ​തി​ർ​ത്തി​യാ​യി​​.

ധർമ്മശാല

എന്ന അഭയം
ടി​ബ​റ്റ​ൻ​ പ്ര​വാ​സ​ സ​ർ​ക്കാ​ർ​ എ​ന്ന​ത്,​ ടി​ബ​റ്റു​കാ​ർ​ക്കു വേ​ണ്ടി​ നി​യ​മ​പ​ര​മാ​യി​ അം​ഗീ​ക​രി​ക്കപ്പെട്ട പ്ര​തി​നി​ധി​ സം​ഘ​ട​ന​യാ​ണ്. ഇ​ത് 1​9​6​0​-ൽ​ ധ​ർ​മ്മ​ശാ​ല​യി​ൽ​ സ്ഥാ​പി​ക്ക​പ്പെ​ട്ടു​. ലോ​ക​ത്തി​ന്റെ​ വി​വി​ധ​ ഭാ​ഗ​ങ്ങ​ളി​ലു​ള്ള​ ടി​ബ​റ്റ​ൻ​ അ​ഭ​യാ​ർ​ത്ഥി​ക​ൾ​ക്ക് ധർമ്മശാല അഭയം ന​ൽ​കു​ന്നു​. ദ​ലൈ​ലാ​മ​യു​ടെ​ നേ​തൃ​ത്വം​,​ സ​മാ​ധാ​ന​ത്തി​നാ​യു​ള്ള​ പ്ര​തി​ബ​ദ്ധ​ത​,​ ആ​ത്മീ​യ​ ജ്ഞാ​നം​ എ​ന്നി​വ​ ടി​ബ​റ്റു​കാ​ർ​ക്കി​ട​യി​ൽ​ ഐ​ക്യ​വും​ സ​മാ​ധാ​ന​വും​ കൊ​ണ്ടു​വ​ന്നു​. കൂ​ടാ​തെ​,​ ലോ​ക​മെ​മ്പാ​ടു​മു​ള്ള​ ജ​ന​ങ്ങ​ളു​ടെ​ പി​ന്തു​ണ​യും ആ​ർജ്ജി​ക്കാ​ൻ​ സ​ഹാ​യി​ച്ചു​.
​2​0​1​1​-​ൽ​,​ പതിന്നാലാം ദ​ലൈ​ലാ​മ​ അ​തു​വ​രെ​ താ​ൻ​ കൈ​കാ​ര്യം​ ചെ​യ്തി​രു​ന്ന​ ആ​ത്മീ​യ​വും​ രാ​ഷ്ട്രീ​യ​വു​മാ​യ​ അധികാരങ്ങൾ സ​മാ​ധാ​ന​പ​ര​മാ​യി​ ഉ​പേ​ക്ഷി​ക്കു​ന്നു​. പി​ന്നീ​ടു​ള്ള​ അ​ദ്ദേ​ഹ​ത്തി​ന്റെ​ പ്ര​വ​ർ​ത്ത​ന​ങ്ങ​ൾ​ അ​ധി​കാ​ര​ത്തി​ലൂ​ടെ​യ​ല്ല​,​ മ​റി​ച്ച് സ​ഹാ​നു​ഭൂ​തി​യി​ലൂ​ടെ​യും​ ജ്ഞാ​ന​ത്തി​ലൂ​ടെ​യും​ തു​ട​രു​ന്നു​. ടി​ബ​റ്റ​ൻ​ അ​ഭ​യാ​ർ​ത്ഥി​ക​ളു​ടെ​ ക്ഷേ​മ​ പ്ര​വ​ർ​ത്ത​ന​ങ്ങ​ൾ​ക്കാ​യി​ 2​0​1​1​-​ൽ​ ജ​നാ​ധി​പ​ത്യ​ സ​ർക്കാ​ർ രൂ​പീ​ക​രി​ക്ക​പ്പെ​ട്ടു​. ​ദ​ല​ലെ​ലാ​മ​യെ​ ലോ​ക​മെ​മ്പാ​ടു​മു​ള്ള​ പ​ല​ രാ​ജ്യ​ങ്ങ​ളും​,​ നേ​താ​ക്ക​ളും​ ബ​ഹു​മാ​നി​ക്കു​ക​യും​,​ പി​ന്തു​ണയ്ക്കു​ക​യും​ ചെ​യ്യു​ന്നു​. ഇ​ന്ത്യ​,​ യു​.എ​സ്,​ കാ​ന​ഡ​,​ യു​.കെ​,​ ജ​ർ​മ്മ​നി​,​ ഫ്രാ​ൻ​സ്,​ ജ​പ്പാ​ൻ​,​ ഓ​സ്‌​ട്രേ​ലി​യ​,​ സ്വി​റ്റ്സ​ർ​ലാ​ൻ​ഡ്,​ സ്വീ​ഡ​ൻ​ തു​ട​ങ്ങി​യ​ നോ​ർ​ഡി​ക് രാ​ജ്യ​ങ്ങ​ള​ട​ക്കം പ​ല​ രാ​ജ്യ​ങ്ങ​ളും​ ദ​ലൈ​ലാ​മ​യെ​ ഔ​ദ്യോ​ഗി​ക​മാ​യി​ പി​ന്തു​ണ​യ്ക്കു​ന്നു​.

ഓർമ്മയുടെ

പുസ്തകം
​ചൈ​ന​യു​ടെ സ​മ്മ​ർ​ദ്ദ​മു​ണ്ടാ​യി​രു​ന്നി​ട്ടും നി​ര​വ​ധി​ ലോ​ക​നേ​താ​ക്ക​ൾ​ ദ​ലൈ​ലാ​മ​യു​മാ​യി​ കൂ​ടി​ക്കാ​ഴ്ച​ ന​ട​ത്തി​യി​ട്ടു​ണ്ട്. താ​ൻ​ ജീ​വി​ച്ചി​രി​ക്കു​മ്പോ​ൾ​,​ മ​റ്റു​ള്ള​വ​രെ​ സ​ഹാ​യി​ക്കു​ക​ എന്നതിനാണ് ത​ന്റെ​ മു​ൻ​ഗ​ണ​ന​ എ​ന്ന് കഴിഞ്ഞ പി​റ​ന്നാൾ ദിനത്തിൽ ദ​ലൈലാ​മ​ പ​റ​ഞ്ഞു​. അ​ടു​ത്തി​ടെ​ പു​റ​ത്തി​റ​ങ്ങി​യ​ V​o​i​c​e​ f​o​r​ t​h​e​ V​o​i​c​e​l​e​s​s​ എ​ന്ന​ ത​ന്റെ​ ഓ​ർ​മ്മ​പ്പു​സ്ത​ക​ത്തി​ൽ​,​ അ​ടു​ത്ത​ ദ​ലൈ​ലാ​മ​ ജ​നി​ക്കേ​ണ്ട​ത് ചൈ​ന​യ്ക്കു പു​റ​ത്തു​ള്ള​ ​'സ്വ​ത​ന്ത്ര​ ലോ​ക​ത്തി​​"ലാ​ണെ​ന്നും​ അ​തു​വ​ഴി​ ടി​ബ​റ്റ​ൻ​ ആ​ത്മീ​യ​ പാ​ര​മ്പ​ര്യ​ ശു​ദ്ധി​ സം​ര​ക്ഷി​ക്ക​പ്പെ​ടു​മെ​ന്നും​ അ​ദ്ദേ​ഹം​ വ്യ​ക്ത​മാ​ക്കി​യി​ട്ടു​ണ്ട്. ചൈനീസ് സ​ർ​ക്കാ​ർ​ തിര​ഞ്ഞെ​ടു​പ്പ് പ്ര​ക്രി​യ​യി​ൽ​ ഇ​ട​പെ​ടു​ന്ന​ത് ത​ട​യാ​ൻ​ വേ​ണ്ടി​ കൂ​ടി​യാ​യി​രു​ന്നു​ ഇ​ത്.
​​ദ​ലൈ​ലാ​മ​യു​ടെ​ അ​ഭി​പ്രാ​യ​ത്തി​ൽ​,​ പു​ന​ർ​ജ​ന്മം​ എ​ന്ന​ത് ടി​ബ​റ്റ​ൻ​ ബു​ദ്ധ​മ​ത​ത്തി​ലെ​ വി​ശു​ദ്ധ​വും​ മ​ത​പ​ര​വു​മാ​യ​ ഒ​രു​ പ​ര​മ്പ​രാ​ഗ​ത​ ആ​ശ​യ​മാ​ണ്. ടി​ബ​റ്റ​ൻ​ ബു​ദ്ധ​മ​ത​ത്തി​ന്റെ​ ഭാ​വി​ നി​ർ​ണയി​ക്കാ​നു​ള്ള​ അ​വ​കാ​ശം​ ഒ​രു​ സ​ർ​ക്കാ​രിനും​ ഉ​ള്ള​ത​ല്ല​,​ മ​റി​ച്ച്, പു​ന​ർ​ജ​ന്മ​ത്തി​ലൂ​ടെ​ വ​രു​ന്ന​ വം​ശാ​വ​ലി​ക്കു ത​ന്നെ​യാ​ണ്. ടി​ബ​റ്റ​ൻ​ ബു​ദ്ധ​മ​ത​ വി​ശ്വാ​സ​പ്ര​കാ​രം​,​ ദ​ലൈ​ലാ​മ​ ക​രു​ണ​യു​ടെ​ ബോ​ധി​സ​ത്വ​നാ​യ​ അ​വ​ലോ​കി​തേ​ശ്വ​രന്റെ പു​ന​ർ​ജ​ന്മ​മാ​ണ്. ഓ​രോ​ ദ​ലൈ​ലാ​മ​യും​ ത​ങ്ങ​ളു​ടെ​ മുൻ​ഗാ​മി​യു​ടെ​ പു​ന​ർ​ജ​ന്മ​മാ​ണെ​ന്നാ​ണ് വി​ശ്വ​സി​ക്ക​പ്പെ​ടു​ന്ന​ത്.
​ ടി​ബ​റ്റ​ൻ​ ജ​ന​ത​ പു​ന​ർ​ജ​ന്മ​ത്തി​ൽ​ വി​ശ്വ​സി​ക്കു​ന്നു​. ദ​ലൈ​ലാ​മ​യു​ടെ​ മ​ര​ണ​ത്തി​നു ശേ​ഷം​ മു​തി​ർ​ന്ന​ സ​ന്യാ​സി​മാ​ർ​ പ്ര​ത്യേ​ക​ ക​ർ​മ്മ​ങ്ങ​ളും​ ആ​ചാ​ര​ങ്ങ​ളും​ നി​ർ​വ​ഹി​ക്കു​ക​യും​,​ ദ​ലൈ​ലാ​മ​യു​ടെ​ മ​ര​ണ​വു​മാ​യി​ ബ​ന്ധ​പ്പെ​ട്ട​ അ​ട​യാ​ള​ങ്ങ​ൾ​ നി​രീ​ക്ഷി​ക്കു​ക​യും​ ചെ​യ്യും. പു​തു​താ​യി​ ജ​നി​ക്കേ​ണ്ട​ ദ​ലൈ​ലാ​മ​യു​ടെ​ ജ​ന​ന​സ്ഥ​ല​വും​ സാ​ഹ​ച​ര്യ​ങ്ങ​ളും​ സൂ​ചി​പ്പി​ക്കു​ന്ന​ ആ​ത്മീ​യ​ ല​ക്ഷ​ണ​ങ്ങ​ളും​ ശ​കു​ന​ങ്ങ​ളും​ ഈ​ സ​ന്യാ​സി​മാ​ർ​ പ​രി​ശോ​ധി​ക്കു​ന്നു​. ​മു​തി​ർ​ന്ന​ ലാ​മ​ക​ൾ​ ധ്യാ​ന​ത്തി​ലേ​ക്കു ചെ​ല്ലു​ക​യും​,​ ദൈ​വിക​ സൂ​ച​ന​ക​ൾ​ ന​ൽ​കു​ന്ന​ സ്വ​പ്ന​ങ്ങ​ൾ​ പ്രാ​പ്യ​മാകാൻ ശ്ര​മി​ക്കു​ക​യും​ ചെ​യ്യു​ന്നു​. ടി​ബ​റ്റി​ന്റെ​ ഔ​ദ്യോ​ഗി​ക​ ഓ​റാ​ക്കി​ളാ​യ​ നെ​ചു​ൻ​ഗ് ഓ​റാ​ക്കി​ളു​മാ​യി​ കൂ​ടി​യാ​ലോ​ചി​ക്കു​ന്നു​. ആ​ത്മീ​യ​പ്രേ​രി​ത​മാ​യ​ പ്ര​വ​ച​ന​ങ്ങ​ൾ​ തി​ര​ച്ചി​ലി​ന് മാ​ർ​ഗ​നി​ർ​ദേ​ശം​ ന​ൽ​കു​​ന്നു.

ദൈവത്തിന്റെ

വിരൽമുദ്ര

ഈ​ ദ​ർ​ശ​ന​ങ്ങ​ൾ​ അ​ടി​സ്ഥാ​ന​മാ​ക്കി​ സ​ന്യാ​സി​മാ​ർ​ ദൈ​വിക​ സൂ​ച​ന​ക​ൾ​ക്ക​നു​സ​രി​ച്ച് തി​ര​ച്ചി​ൽ​ സം​ഘ​ങ്ങ​ൾ​ രൂ​പീ​ക​രി​ക്കു​ക​യും​,​ സാദ്ധ്യ​മാ​യ​ ഗ്രാ​മ​ങ്ങ​ളി​ലേ​ക്ക് യാ​ത്ര​ ചെ​യ്യു​ക​യും​ ചെ​യ്യും​. ദ​ലൈലാ​മ​യു​ടെ​ മ​ര​ണ​സ​മ​യ​ത്തോ​ടടുത്ത് ജ​നി​ച്ച​,​പ്ര​ത്യേ​ക​ ക​ഴി​വു​ക​ളു​ള്ള​ കു​ട്ടി​ക​ളെ​യാ​ണ് അ​വ​ർ​ തി​ര​യു​ന്ന​ത്. ​തി​ര​ഞ്ഞെ​ടു​ത്ത​ കു​ട്ടി​ക​ളെ​ സ​ന്യാ​സി​മാ​രു​ടെ​ അ​ടു​ത്തേ​ക്ക് കൊ​ണ്ടു​വ​രിക​യും​,​ മു​ൻ​ ദ​ലൈ​ലാ​മ​ ഉ​പ​യോ​ഗി​ച്ചി​രു​ന്ന​ വ​സ്തു​ക്ക​ൾകൊ​ണ്ട് പ​രീ​ക്ഷി​ക്കു​ക​യും​ ചെ​യ്യും​. കു​ട്ടി​ക്ക് പ​ല​ വ​സ്തു​ക്ക​ളും​ കാ​ണി​ക്കു​ന്നു​,​ അ​തി​ൽ​ ചി​ല​ത് മു​ൻ​ ദ​ലൈലാ​മ​യു​ടേ​തായിരിക്കും. കു​ട്ടി​ ശ​രി​യാ​യ​ വ​സ്തു​ക്ക​ൾ​ തി​രി​ച്ച​റി​യു​ക​യാ​ണെ​ങ്കി​ൽ​ (​ജ​പ​മാ​ല​ക​ൾ​,​ വ​സ്ത്ര​ങ്ങ​ൾ​,​ വി​ശു​ദ്ധ​ ഗ്ര​ന്ഥ​ങ്ങ​ൾ​ മു​ത​ലാ​യ​വ​ )​,​ അ​ത് പു​ന​ർ​ജ​ന്മ​ത്തി​നു​ള്ള​ ശ​ക്ത​മാ​യ​ സൂ​ച​ന​യാ​കു​ന്നു​.
​കു​ട്ടി​യു​ടെ​ പെ​രു​മാ​റ്റം​,​ ഓ​ർ​മ്മ​ശ​ക്തി​,​ അ​റി​വ് എ​ന്നി​വ​യും​ വി​ല​യി​രു​ത്ത​പ്പെ​ടു​ന്നു​. സ​മ​ഗ്ര​മാ​യ​ നി​രീ​ക്ഷ​ണ​ത്തി​നു ശേ​ഷം​,​ കു​ട്ടി​ എ​ല്ലാ​ പ​രീ​ക്ഷ​ണ​ങ്ങ​ളി​ലും​ വി​ജ​യി​ക്കു​ക​യും​ ആ​ത്മീ​യ​പാ​ക​ത​ തെ​ളി​യി​ക്കു​ക​യും​ ചെ​യ്‌​താ​ൽ​,​ മു​തി​ർ​ന്ന​ സ​ന്യാ​സി​മാ​ർ​ ഔ​ദ്യോ​ഗി​ക​മാ​യി​ ആ​ കു​ട്ടി​യെ​ ലാമയുടെ പു​ന​ർ​ജ​ന്മ​മാ​യി​ അം​ഗീ​ക​രി​ക്കുംന്നു​. തു​ട​ർ​ന്ന്,​ കു​ട്ടി​യെ​ ബൗ​ദ്ധ​ ഉ​പ​ദേ​ശ​ങ്ങ​ളും​ നേ​തൃ​പ​രി​ശീ​ല​ന​ങ്ങ​ളും​ ല​ഭി​ക്കാ​നാ​യി​ ഒ​രു​ ആ​ശ്ര​മ​ത്തി​ലേ​ക്ക് കൊ​ണ്ടു​പോ​കും. ​പ​ര​മ്പ​രാ​ഗ​ത​മാ​യി​ പ​ഞ്ച​ൻ​ ലാ​മ​യ്ക്കാ​ണ് ദ​ലൈ​ലാ​മ​യു​ടെ​ പു​ന​ർ​ജ​ന്മം​ തി​രി​ച്ച​റി​യു​ന്ന​തി​ൽ​ പ്ര​ധാ​ന​ പ​ങ്ക്.

ലാമയിലെ

രാഷ്ട്രീയം
​1​9​5​0​-​ൽ​ ചൈനയുടെ ടി​ബ​റ്റ​ൻ​ അ​ധി​നി​വേ​ശ​ത്തി​നു​ശേ​ഷ​മാ​ണ് ചൈ​നീ​സ് സ​ർ​ക്കാ​ർ​ ടി​ബ​റ്റി​ലെ​ ബൗ​ദ്ധ​ സ്ഥാ​പ​ന​ങ്ങ​ളെ​ നി​യ​ന്ത്രി​ക്കാ​ൻ​ ശ്ര​മി​ച്ച​ത്. 1​9​9​5​-​ൽ​,​ ദ​ലൈ​ലാ​മ​യു​ടെ​ തി​ര​ഞ്ഞെ​ടു​ക്ക​പ്പെ​ട്ട​ പ​ഞ്ച​ൻലാ​മ അ​പ്ര​ത്യ​ക്ഷ​മാ​യ​തി​നു​ ശേ​ഷം​,​ ചൈ​ന​ സ്വ​ന്തം​ പ​ഞ്ച​ൻലാ​മ​യെ​ നി​യ​മി​ച്ചു​. പി​ന്നീ​ട്,​ ത​ങ്ങ​ളു​ടെ​ അം​ഗീ​ക​രം​ കൂ​ടാ​തെ​ ന​ട​ക്കു​ന്ന​ ഏ​ത് പു​ന​ർ​ജ​ന്മ​വും​ അ​സാ​ധു​വാ​ണെ​ന്ന് ചൈ​ന​ പ്ര​ഖ്യാ​പി​ക്കു​കയും ചെയ്തു​. അ​ന​ന്ത​രം​,​ പു​ന​ർ​ജ​ന്മ​ നിർവ​ഹ​ണ​ സ​മി​തി ​(​Re​i​n​c​a​r​n​a​t​i​o​n​ M​a​n​a​g​e​m​e​n​t​ C​o​m​m​i​t​t​e​e​ )​ എ​ന്നു​പേ​രു​ള്ള​ സ​മി​തി​യി​ലൂ​ടെ​യാ​ണ് അ​ത് അം​ഗീ​ക​രി​ക്കേ​ണ്ട​തെ​ന്നും​ അ​വ​കാ​ശ​പ്പെട്ടു. ഈ​ നീ​ക്കം​ ടി​ബ​റ്റ​ൻ​ ജ​ന​ത​യും​ അ​ന്താ​രാ​ഷ്ട്ര​ സ​മൂ​ഹ​വും​ ടി​ബ​റ്റി​ന്റെ​ മ​ത​സ്വാ​ത​ന്ത്ര്യ​ത്തെ​ ത​ക​ർ​ക്കു​ന്ന​ രാ​ഷ്ട്രീ​യ​ ഇ​ട​പെ​ട​ലാ​യി​ കണ്ടു​.

ത​ന്റെ​ പു​ന​ർ​ജ​ന്മം​ തീ​രു​മാ​നി​ക്കാ​നു​ള്ള​ അ​ധി​കാ​രം​ ചൈ​നീ​സ് സ​ർ​ക്കാ​രിന് ഇ​ല്ലെ​ന്നും​,​ ചൈ​ന​ നി​യ​മി​ക്കു​ന്ന​ ഏ​തൊ​രു​ ദ​ലൈ​ലാ​മ​യും​ അ​സാ​ധു​വാ​യി​രി​ക്കു​മെ​ന്നും​,​ ടി​ബ​റ്റ​ന്മാ​രും​ ആ​ഗോ​ള​ ബൗ​ദ്ധ​സ​മൂ​ഹ​വും​ അ​വ​രെ​ ത​ള്ളി​ക്ക​ള​യു​മെ​ന്നും​ പതിന്നാലാം ദലൈലാമ ആ​വ​ർ​ത്തി​ച്ചു​ പ​റയുന്നു​. ​V​o​i​c​e​ f​o​r​ t​h​e​ V​o​i​c​e​l​e​s​s​ എ​ന്ന​ ത​ന്റെ​ പു​സ്ത​ക​ത്തി​ൽ​ അദ്ദേഹം പ​റ​ഞ്ഞു​:​ അ​ടു​ത്ത​ ദ​ലൈ​ലാ​മ​ ചൈ​ന​യ്ക്കു പു​റ​ത്താ​യി​രി​ക്കും​ ജ​നി​ക്കു​ക​. ടി​ബ​റ്റ​ൻ​ ജ​ന​ത​യ്ക്ക് അ​തി​ന്റെ​ ആ​വ​ശ്യ​മി​ല്ലെ​ങ്കി​ൽ​ ഈ​ പു​ന​ർ​ജ​ന്മ​ പാ​ര​മ്പ​ര്യം​ അ​വ​സാ​നി​പ്പി​ക്കാ​മെ​ന്നും​ അ​ദ്ദേ​ഹം​ വ്യ​ക്ത​മാ​ക്കി​.
​ദ​ലൈ​ലാ​മ​യെ​ തി​ര​ഞ്ഞെ​ടു​ത്തു​കൊ​ണ്ട്,​ ടിബ​റ്റ​ൻ​ ജ​ന​ത​യ്ക്കു മേ​ൽ​ മ​ത​,​ രാ​ഷ്ട്രീ​യ​ സ്വാ​ധീ​നം​ നേ​ടാ​നാണ് ചൈ​നയുടെ ശ്രമം. അ​തി​ലൂ​ടെ​ ദ​ലൈ​ലാ​മ​യു​ടെ​ നി​യ​മ​ന​ത്തി​ൽ​ അ​ധി​കാ​രം​ സ്ഥാപിക്കാനും​, ​ടി​ബ​റ്റ​ൻ​ പ്ര​വാ​സ​ സ​ർ​ക്കാ​രി​ന്റെ​ നി​യ​മ​ത്തെ​ ദു​ർ​ബ​ല​പ്പെ​ടു​ത്താ​നും​ അവർ ഉന്നമിടുന്നു. എ​ന്നാ​ൽ,​ നിലവിലെ ദ​ലൈ​ലാ​മ​ പ​റ​യു​ന്നു​:​ 'മ​ത​നേ​താ​ക്ക​ളാ​ണ് പര​മ്പ​രാ​ഗ​ത​ രീ​തി​ക​ളി​ൽ​ എ​ന്റെ​ പിൻ​ഗാ​മി​യെ​ തി​ര​ഞ്ഞെ​ടു​ക്കേ​ണ്ട​ത്. ചൈ​ന​ അ​തി​ന് ഭ​ര​ണ​കൂ​ട​ അ​നു​മ​തി​ ആ​വ​ശ്യ​മാ​യി ​കാ​ണു​ന്നു​!" ദ​ലൈ​ലാ​മയുടെ തി​ര​ഞ്ഞെ​ടു​പ്പ് അങ്ങനെ ടി​ബ​റ്റ​ൻ​ ബു​ദ്ധമത വി​ശ്വാ​സ​വു​മാ​യും​ ചൈനയുടെ ക​മ്മ്യൂ​ണി​സ്റ്റ് രാ​ഷ്ട്രീ​യ​ ത​ത്വ​ശാ​സ്ത്ര​വു​മാ​യും​ കെ​ട്ടു​പി​ണ​ഞ്ഞ​ വി​ഷ​യ​മാ​യി​ത്തീ​ർ​ന്നി​രി​ക്കു​ന്നു​.

(ചെ​മ്പ​ഴ​ന്തി​ ​ശ്രീ​നാ​രാ​യ​ണ​ കോ​ളേ​ജിലെ ​പൊ​ളി​റ്റി​ക്കൽ സ​യ​ൻ​സ് അ​സി​സ്റ്റ​ന്റ് പ്രൊ​ഫ​സ​റും വകുപ്പ് മേധാവിയുമാണ് ലേഖിക)
​