സ്ഥാനമാനങ്ങൾ തേടിയെത്തും ഇവരെ, അപ്രതീക്ഷിതമായി ധനനേട്ടവും സ്വർണവും ലഭിക്കാൻ യോഗമുണ്ട്

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91+7907244210, ഇ-മെയിൽ: samkhiyarathnam@gmail.com

2025 ജൂലൈ 10 മിഥുനം 26 വ്യാഴാഴ്ച

(പുലർച്ചെ 4 മണി 49 മിനിറ്റ് 22 സെക്കന്റ് വരെ മൂലം നക്ഷത്രം ശേഷം പൂരാടം നക്ഷത്രം)

അശ്വതി: വിഷമതകളിൽ നിന്നും മോചനം ലഭിക്കും. സ്ഥാനമാനലബ്ധി, നവീനഗൃഹ വാഹന യോഗം, ആത്മവിശ്വാസവും ഉത്സാഹവും വർദ്ധിക്കും, മുടങ്ങിപ്പോയ സംഗതികൾ പൂർത്തീകരിക്കാൻ കഴിയും.

ഭരണി: ഭാഗ്യം എപ്പോഴും കൂടെയുണ്ടാകും, പ്രണയകാര്യങ്ങളിൽ അപ്രതീക്ഷിതമായ മുന്നേറ്റം, മെച്ചപെട്ട ആനുകൂല്യം ലഭിക്കും, കലാകാരന്മാർക്കും കായിക പ്രതിഭകൾക്കും പ്രശസ്തിയും അംഗീകാരവും.

കാർത്തിക: ആത്മവിശ്വാസം വർദ്ധിയ്ക്കും, വിവാഹബന്ധം വഴി നേട്ടം, സന്താനങ്ങൾ കാരണം അഭിമാനം, തൊഴിലിലും ബിസിനസ്സിലും വികസനങ്ങൾ.

രോഹിണി: ബിസിനസ്സിൽ അപ്രതീക്ഷിത മാറ്റങ്ങൾ, തൊഴിലിൽ ഉയർച്ച, ഊർജ്ജസ്വലതയുണ്ടാകും, കലാകായിക രംഗത്ത് പ്രവർത്തിക്കുന്നവർക്ക് നേട്ടം.

മകയിരം: പുണ്യ ക്ഷേത്രങ്ങൾ സന്ദർശിക്കും, വിദേശജോലിക്കുള്ള തടസ്സം മാറും, കുടുംബത്തിലും ബിസിനസ്സിലും ഗുണകരമായ മാറ്റങ്ങൾ, അവസരങ്ങൾ വിട്ടുകളയരുത്.

തിരുവാതിര: സ്വർണം, വൈദ്യുതി, നിയമവകുപ്പ്, എന്നിവയിൽ പ്രവർത്തിക്കുന്നവർക്ക് കാലം അനുകൂലം, അപ്രതീക്ഷിത ഭാഗത്തു നിന്നും ധനനേട്ടം, സമയം അനുകൂലം.

പുണർതം: സ്ത്രീജനങ്ങൾ തൊഴിൽ മേഖലയിൽ സൂക്ഷ്‌മത പാലിക്കണം, സന്താനങ്ങളുടെ കാര്യത്തിൽ കൂടുതൽ ശ്രദ്ധ വേണം, അനാവശ്യ വാഗ്വാദങ്ങളിൽ പോയി പെടരുത്.

പൂയം: മേലുദ്യോഗസ്ഥരിൽ നിന്നും വിരോധമുണ്ടാകും, കുടുംബ ജീവിതം ഭദ്രമായിരിക്കില്ല, തന്റെതല്ലാത്ത കുറ്റങ്ങളാൽ വിഷമതകൾ, വഞ്ചനയിൽ അകപ്പെടാതെ സൂക്ഷിക്കണം.

ആയില്യം: അസൂയാലുക്കളും ശത്രുക്കളുമായവരുടെ വിരോധം മൂലം മാനഹാനി, കർമ്മരംഗത്ത് ദോഷാനുഭവങ്ങൾ, കാർഷിക രംഗത്ത് പ്രവർത്തിക്കുന്നവർ കരുതലോടെ നീങ്ങുക.

മകം: സന്തോഷകരമായ ചില മുഹൂർത്തങ്ങൾ, പൊതുരംഗത്ത് പ്രവർത്തിക്കുന്നവർക്ക് നന്നായി മുന്നേറാൻ കഴിയും. ഗൃഹം, വാഹനം, എന്നിവ വാങ്ങാൻ അനുകൂലമായ സമയം, ജാതകനും സന്താനത്തിനും ഉന്നത വിദ്യാഭ്യാസം ലഭിക്കും.

പൂരം: കായിക രംഗത്ത് പ്രവർത്തിക്കുന്നവർക്ക് പുരസ്‌കാരങ്ങൾ ലഭിക്കും, ഗൃഹത്തിൽ ഐശ്വര്യം, ഉപരിപഠനത്തിന്നു സാദ്ധ്യത. അപകടങ്ങളിൽ നിന്നും അത്ഭുതകരമായി രക്ഷപ്പെടും.

ഉത്രം: ഗൃഹാന്തരീക്ഷം പൊതുവെ തൃപ്തികരമായിരിക്കും, കലാകായിക രംഗത്ത് അഭിവൃദ്ധി, ഗൃഹത്തിൽ മംഗള കർമ്മങ്ങൾ നടക്കും, പണമിടപാടുകളിൽ കൂടുതൽ ശ്രദ്ധ ചെലുത്തുക.

അത്തം: ഗൃഹ വാഹന യോഗം, വിദേശത്ത് പോകേണ്ട കാര്യങ്ങൾ സഫലമാകും, കർമ്മ മേഖല പുഷ്ടിപ്പെടും, നഷ്ടപ്പെട്ടിരുന്ന മനഃശാന്തി തിരികെ ലഭിക്കും.

ചിത്തിര: നിയമ നടപടികൾ അനുകൂലമാകും, വിദേശത്തുള്ളവരുടെ സഹായ സഹകരണമുണ്ടാകും, ലോൺ അനുവദിച്ചു കിട്ടും, പ്രതീക്ഷിക്കാത്ത കേന്ദ്രങ്ങളിൽ നിന്നും സഹായം.

ചോതി: കുടുംബത്തിൽ മംഗല്യ ഭാഗ്യം നടക്കും, പൂർവ്വീക സ്വത്തിന്റെ അനുഭവ യോഗമുണ്ടാകും, ഭരണരംഗത്ത് സ്വാധീനം വർദ്ധിക്കും, മംഗള കർമ്മങ്ങളിൽ പങ്കെടുക്കും.

വിശാഖം: എഴുത്തുകുത്തുകളിൽ നിന്നും സന്തോഷം ലഭിക്കും,കാര്യസാദ്ധ്യത്തിന് വേണ്ടി സേവ പിടിക്കേണ്ടി വരും, പുതിയ തൊഴിൽ ലഭിക്കും, കുടുംബ ജീവിതത്തിൽ ഊഷ്മളത വർദ്ധിക്കും.

അനിഴം: പ്രണയ കാര്യങ്ങളിൽ വിജയം. കുടുംബത്തിൽ ശാന്തിയും സമാധാനവും, ശത്രുക്കളുമായി ഒത്തു തീർപ്പിലെത്തിച്ചേരും.ബിസിനസ്സ് തെളിഞ്ഞു തുടങ്ങും.

കേട്ട: ഉപരിപഠനം നടക്കും, സർക്കാരിൽ നിന്നും അനുകൂല നടപടി, സാമ്പത്തിക പിരിമുറുക്കം മാറും, മനഃശാന്തി, വായ്പ എന്നിവ ലഭിക്കും.

മൂലം: കുടുംബ ജീവിതത്തിലുണ്ടായിരുന്ന പ്രതിസന്ധികളിൽ നിന്നും മോചനം, ദാമ്പത്യപരമായി കാലം അനുകൂലം,ഭൂമി സംബന്ധമായ തർക്കങ്ങൾ ഒഴിവാക്കണം, വിദേശ ജോലി തരപ്പെടും.

പൂരാടം: അപരിചിതരുടെ പക്കൽ നിന്നും ഒന്നും സ്വീകരിക്കരുത്, കുറച്ച് ശ്രദ്ധിച്ച് ചുവടുകൾ വയ്‌ക്കേണ്ടതാണ്, സാമ്പത്തിക ബാദ്ധ്യതകൾ തീർക്കാൻ വേണ്ടി അധിക സമയം ജോലി ചെയ്യും, യാത്രയിൽ നേട്ടങ്ങൾ.

ഉത്രാടം: മനഃസാക്ഷിക്ക് വിപരീതമായി പ്രവർത്തിക്കും, ഗുരുജന പ്രീതിയുണ്ടാകും, അശ്രദ്ധമായി തൊഴിൽ കാര്യങ്ങൾ കൈകാര്യം ചെയ്യരുത്, എല്ലാ കാര്യങ്ങളിലും അതീവ ശ്രദ്ധ ചെലുത്തേണ്ടതാണ്.

തിരുവോണം: അപഖ്യാതിയ്ക്കു സാദ്ധ്യത. പണം കടം കൊടുക്കരുത്, രേഖകളിൽ ഒപ്പുവയ്ക്കുമ്പോൾ സൂഷ്മതയോടെ കൈകാര്യം ചെയ്യണം, സഹോദരങ്ങൾ നിമിത്തം ബുദ്ധിമുട്ടുകൾ.

അവിട്ടം: സന്താനത്തിന്റെ പ്രണയ ബന്ധത്തിൽ സൂക്ഷ്‌മത പുലർത്തണം, ചെയ്തുപോയ തെറ്റുകുറ്റങ്ങളിൽ മനസ്താപം, സാമ്പത്തിക കാര്യങ്ങളിൽ പുതിയ വഴികൾ തെളിയും.

ചതയം: കുടുംബത്തിൽ രോഗദുരിതമുണ്ടാകും, പണം ചെലവഴിക്കുന്നതിന് നിയന്ത്രണമേർപ്പെടുത്തണം, അഗ്നി സംബന്ധമായ അപകടങ്ങൾ, പണം കടം കൊടുക്കരുത്, അപഖ്യാതി കേൾക്കും.

പൂരുരുട്ടാതി: അനാവശ്യ യാത്രകൾ കഴിവതും ഒഴിവാക്കുക, അപ്രതീക്ഷിത ധനനഷ്ടം, ജനങ്ങളുമായി അഭിപ്രായ വ്യത്യാസം, അഗ്നി, ആയുധം, വാഹനം ഇവയിൽ നിന്നും അപകടം.

ഉതൃട്ടാതി: സന്താനത്തിന്റെയും കാര്യത്തിൽ ശ്രദ്ധ കേന്ദ്രീകരിക്കണം, ആരോഗ്യനിലയിൽ പ്രത്യേക കരുതൽ വേണം, കുടുംബ ബന്ധങ്ങൾ ശിഥിലമാകാതെ നോക്കണം.

രേവതി: തിരിച്ചടിയുണ്ടാകാൻ സാദ്ധ്യത, പ്രശ്നങ്ങളിൽ പെടാതെയിരിക്കാൻ ശ്രദ്ധിക്കണം, അയൽക്കാർ ശത്രുക്കളെ പോലെ പെരുമാറും, വാഹനങ്ങൾ വളരെയധികം സൂക്ഷിച്ച് കൈകാര്യം ചെയ്യണം.