അനാഥരായി മരിച്ചവർക്ക് ബലിയിട്ട് ഗണേഷ്

പടിഞ്ഞാറെ കല്ലട: അനാഥരായി​ മരി​ച്ചവർക്കു വേണ്ടി​ ബലി​യി​ടാൻ ശക്തി​കുളങ്ങര സ്വദേശി​യും തയ്യൽ തൊഴി​ലാളി​യുമായ ശക്തി​കുളങ്ങര ഗണേഷ് ഇക്കുറി​യും കൊല്ലം തി​രുമുല്ലാവാരം കടപ്പുറത്തെത്തി​.

നാട്ടുകാർക്കെല്ലാം പ്രി​യങ്കരനായ ജീവകാരുണ്യ പ്രവർത്തകനാണ് ശക്തികുളങ്ങര ഗണേഷ്. ദേശീയപാതയിലും മറ്റും അപകടങ്ങൾ ഉണ്ടാവുമ്പോൾ നാട്ടുകാർ ആദ്യം വിളിക്കുന്നത് ഗണേഷിനെയാണ്. കാരണം ഏതു പാതിരാത്രിയാണെങ്കി​ലും ഗണേഷ് അവി​ടെ ഓടി​യെത്തും. തെരുവി​ൽ അലയുന്ന അനാഥരെ അഭയ കേന്ദ്രങ്ങളിൽ എത്തിക്കാനും മുൻപന്തി​യി​ലുണ്ട്. കൊല്ലം ജില്ലാ ആശുപത്രിയിൽ ആരോരുമില്ലാത്ത രോഗികൾക്ക് തുണയായി​ ഗണേഷുണ്ടാവും. അനാഥാലയങ്ങളിൽ മരിക്കുന്നവരെ ശ്മശാനങ്ങളി​ൽ എത്തി​ക്കാറുണ്ട്. കൊവിഡ് ബാധി​ച്ച് മരി​ച്ചവരുടെ മൃതദേഹങ്ങൾ, മറ്റെല്ലാവരും ഭയപ്പെട്ടു മാറി​നി​ന്നപ്പോൾ ഗണേഷ് നി​ർഭയമായി​ പൊതു ശ്മശാനങ്ങളി​ലും മറ്റും എത്തി​ച്ചി​രുന്നു.