മൂന്നു ദിവസം അതിശക്ത മഴ

തിരുവനന്തപുരം: സംസ്ഥാനത്ത് മൂന്നു ദിവസം കൂടി അതിശക്ത മഴയ്ക്കും കാറ്റിനും സാദ്ധ്യത. മഹാരാഷ്ട്ര മുതൽ കേരളതീരം വരെ രൂപപ്പെട്ട ന്യൂനമർദ്ദ പാത്തിയും പടിഞ്ഞാറൻ കാറ്റിന്റെ ശക്തി കൂടിയതുമാണ് കാരണം. ഇന്ന് പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം ജില്ലകളിൽ ഓറഞ്ച് അല‌ർട്ട്. തിരുവനന്തപുരം, കൊല്ലം, ആലപ്പുഴ, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ യെല്ലോ അലർട്ട്. കേരള തീരത്ത് മത്സ്യബന്ധനം പാടില്ല. പത്തനംതിട്ട ജില്ലയിലെ അച്ചൻകോവിൽ, പമ്പ, മണിമലയാർ നദികളിൽ പ്രളയ സാദ്ധ്യതയെ തുടർന്ന് യെല്ലോ അലർട്ടാണ്.