അഞ്ച് വയസുകാരിയെ കാറിനുള്ളിൽ മരിച്ച നിലയിൽ കണ്ടെത്തി

ഇടുക്കി: രാജാക്കാട് തിങ്കൾക്കാട്ടിൽ അന്യസംസ്ഥാന തൊഴിലാളികളുടെ മകളെ കാറിനുള്ളിൽ മരിച്ച നിലയിൽ കണ്ടെത്തി. ആസാം സ്വദേശികളുടെ മകളായ കൽപ്പന കുലു (5) വാണ് മരിച്ചത്. മാതാപിതാക്കൾ ഇന്നലെ രാവിലെ കുട്ടിയെ വാഹനത്തിലിരുത്തിയ ശേഷം കൃഷിയിടത്തിൽ ജോലിക്ക് പോയിരുന്നു. ഉച്ചക്ക് തിരികെ വന്നപ്പോൾ കുട്ടി ബോധരഹിതയായി കിടക്കുന്നതാണ് കണ്ടത്. ഉടനെ രാജാക്കാട്ടെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്‌മോർട്ടത്തിനായി ഇടുക്കി മെഡിക്കൽ കോളേജിലേക്ക് മാറ്റി. സംഭവത്തിൽ ഉടുമ്പൻചോല പൊലീസ് കേസെടുത്ത് അന്വേഷണം ആരംഭിച്ചു