ഇംഗ്ളണ്ടിലെ കെന്റിൽ ആദ്യമായി അഷ്‌ടദ്രവ്യ മഹാ ഗണപതി ഹോമം നടക്കുന്നു

കെന്റ്: ഇംഗ്ലണ്ടിലെ കെന്റിൽ ആദ്യമായി അഷ്ടദ്രവ്യ മഹാ ഗണപതി ഹോമം നടക്കുന്നു. 108 നാളീകേരവും അഷ്ടദ്രവ്യങ്ങളും അഗ്നിയിൽ അർപ്പിച്ച് മഹാഗണപതിയെ പ്രീതിപ്പെടുത്തി ഭക്തജനങ്ങൾക്ക് ശാന്തിയും സമൃദ്ധിയും അനുഗ്രഹവും പ്രാപിക്കുവാൻ വിശിഷ്ടമായി നടത്തുന്നതാണ്‌ ഈ യജ്ഞം.

ഓഗസ്‌റ്റ് 27ബുധനാഴ്‌ച രാവിലെ എട്ട് മുതൽ 12 വരെയാണ് അഷ്ടദ്രവ്യ മഹാ ഗണപതി ഹോമമടക്കം വിനായക ചതുർഥി മഹോത്സവം നടക്കുക. തന്ത്രിമുഖ്യൻ സൂര്യകാലടി മന ബ്രഹ്മശ്രീ സൂര്യൻ ജയസുര്യൻ ഭട്ടതിരിപ്പാടിന്റെ നേതൃത്വത്തിൽ Gravesend, Kent, DA13 9BLലാണ് ഹോമം നടക്കുക.

സൂര്യകാലടി മനയുടെ ചരിത്രപ്രാധാന്യം

കോട്ടയം ജില്ലയിലെ മീനച്ചിലാറിന്റെ തീരത്തുള്ള സൂര്യകാലടി മന പുരാതന കാലം മുതൽ ഗണപതി ഭഗവാൻ പ്രത്യക്ഷമായി കുടികൊണ്ടിരിക്കുന്ന ദിവ്യസ്ഥലമാണ്. സൂര്യഭഗവാനിൽ നിന്ന് മന്ത്രതന്ത്ര ജ്ഞാനവും താളിയോലകളും കൈപ്പറ്റിയയാളാണ് ഭട്ടതിരിപ്പാട്.

2007 ഏപ്രിൽ 22ന് ഒരുലക്ഷത്തി എട്ട് നാളീകേരങ്ങൾകൊണ്ട് നടത്തിയ വിശ്വ മഹാഗണപതി ഹവനത്തിന്റെ മുഖ്യകാർമികത്വം വഹിച്ച ബ്രഹ്മശ്രീ സൂര്യൻ ജയസൂര്യൻ ഭട്ടതിരിപ്പാട്, ഇപ്പോൾ ഇംഗ്ലണ്ടിലെ കെന്റിൽ 108 നാളീകേരത്തിന്റെ അഷ്ടദ്രവ്യ മഹാഗണപതി ഹോമം നടത്തും.

രജിസ്‌ട്രേഷൻ: QR കോഡ് സ്കാൻ ചെയ്യുക അല്ലെങ്കിൽ ഇവിടെ ക്ലിക്ക് ചെയ്യുക.

https://forms.gle/v5FTwmSyLzakv6vs9

അവസാന തീയതി: 2025 ഓഗസ്റ്റ് 24, ഞായറാഴ്ച

ഇമെയിൽ: kentayyappatemple@gmail.com
വെബ്‌സൈറ്റ്: www.kentayyappatemple.org
വിവരങ്ങൾക്കും ബന്ധപ്പെടുവാൻ: 07838 170203, 07985 245890, 07935 293882, 07877 079228, 07973 151975