യാത്രക്കാരുടെ ശ്രദ്ധയ്ക്ക്; മറ്റന്നാൾ മുതൽ ഈ ട്രെയിനുകളുടെ സമയം മാറും, പുതിയ സമയക്രമം

കണ്ണൂർ: കേരളത്തിലോടുന്ന രണ്ട് ട്രെയിനുകളുടെ സമയം മാറുന്നു. കോഴിക്കോട് - കണ്ണൂർ (56617), കണ്ണൂർ - ചെറുവത്തൂർ (56619)പാസഞ്ചർ ട്രെയിനുകളുടെ സമയമാണ് ഈ മാസം 25 മുതൽ മാറുന്നതെന്ന് റെയിൽവേ അധികൃതർ അറിച്ചു. ഉച്ചയ്ക്ക് 2.05ന് പുറപ്പെടുന്ന കോഴിക്കോട് - കണ്ണൂർ പാസഞ്ചർ 25-ാം തീയതി മുതൽ മൂന്നുമണിക്കാവും കോഴിക്കോട്ടുനിന്ന് പുറപ്പെടുക. കണ്ണൂരിൽ വെെകിട്ട് 5.20ന് എത്തും.

കണ്ണൂർ- ചെറുവത്തൂർ പാസഞ്ചർ വെെകിട്ട് 5.40ന് പുറപ്പെടും. നിലവിൽ 5.30നാണ് പുറപ്പെടുന്നത്. വെെകിട്ട് 6.45ന് ചെറുവത്തൂർ എത്തും. യാത്രക്കാർ റെയിൽ വൺ ആപ്പ് നോക്കി സമയം പരിശോധിച്ചതിനു ശേഷം മാത്രം യാത്രകൾക്കുള്ള ക്രമീകരണങ്ങൾ നടത്തണമെന്ന് റെയിൽവേ അധികൃത‌ർ അറിയിച്ചു.

പുതിയ സമയം

കോഴിക്കോട്-കണ്ണൂര്‍ പാസഞ്ചര്‍: കോഴിക്കോട്-3.00, വെള്ളയില്‍-3.04, വെസ്റ്റ് ഹില്‍-3.10, എലത്തൂര്‍-3.18, ചേമഞ്ചേരി-3.25, കൊയിലാണ്ടി-3.32, വെള്ളറക്കാട്-3.38, തിക്കോടി-3.44, പയ്യോളി-3.48, ഇരിങ്ങല്‍-3.53, വടകര-4.04, നാദാപുരം റോഡ്-4.11, മുക്കാളി-4.17, മാഹി-4.23, ജഗന്നാഥ ടെമ്പിള്‍- 4.30, തലശ്ശേരി-4.37, ധര്‍മടം-4.45, എടക്കാട്-4.51, കണ്ണൂര്‍ സൗത്ത്-4.59, കണ്ണൂര്‍-5.20.

കണ്ണൂര്‍-ചെറുവത്തൂര്‍ പാസഞ്ചര്‍: കണ്ണൂര്‍-5.40, ചിറക്കല്‍-5.43. വളപട്ടണം-5.49, പാപ്പിനിശ്ശേരി-5.53, കണ്ണപുരം-5.57, പഴയങ്ങാടി-6.04, ഏഴിമല-6.10, പയ്യന്നൂര്‍- 6.17, തൃക്കരിപ്പൂര്‍-6.22, ചന്തേര-6.27, ചെറുവത്തൂര്‍-6.45.