പൊലീസ് മർദ്ദനമേറ്റ സുജിത്ത് വിവാഹ തിരക്കിൽ

തൃശൂർ: പൊലീസ് മർദ്ദനമേറ്റ യൂത്ത് കോൺഗ്രസ് നേതാവ് വി.എസ്.സുജിത്തിന് സി.സി.ടി.വി ദൃശ്യം ലഭിച്ചത് വിവാഹം ക്ഷണിക്കുന്നതിന്റെ തിരക്കിനിടെ.ഈ മാസം 15ന് ചൊവ്വന്നൂർ കമ്മ്യൂണിറ്റി ഹാളിലാണ് വിവാഹം നിശ്ചയിച്ചിരിക്കുന്നത്.ചൂണ്ടൽ പുതുശേരി കളരിക്കൽ വീട്ടിൽ ആശ സത്യനാണ് വധു.മർദ്ദനവുമായി ബന്ധപ്പെട്ട നിയമപോരാട്ടം നീണ്ടുപോകുന്നതിനാൽ വിവാഹം നടത്താൻ തീരുമാനിക്കുകയായിരുന്നു.വിവാഹം ക്ഷണിക്കുന്ന തിരക്കിലേക്ക് നീങ്ങുന്നതിനിടെയാണ് അപ്രതീക്ഷിതമായി സി.സി.ടി.വി ദൃശ്യങ്ങൾ സിറ്റി പൊലീസ് കമ്മിഷണർ ആർ.ഇളങ്കോ സുജിത്തിന് കൈമാറിയത്.ഇന്നലെ തൃശൂരിലെത്തിയ കെ.പി.സി.സി പ്രസിഡന്റ് സണ്ണി ജോസഫ്,ഡി.സി.സി പ്രസിഡന്റ് ജോസഫ് ടാജറ്റ്,മറ്റ് കോൺഗ്രസ് നേതാക്കൾ എന്നിവരെയെല്ലാം വിവാഹത്തിന് ക്ഷണിച്ചു.