ലോക അത്‌ലറ്റിക് ചാമ്പ്യൻഷിപ്പ്

ടോക്യോ: ഒളിമ്പിക്സിന് ശേഷം ടോക്യോ വേദിയാകുന്ന ലോക അത്‌ലറ്റിക് ചാമ്പ്യൻഷിപ്പിന്റെ ഇന്ത്യയ്‌ക്ക് നിരാശയോടെ തുടക്കം. ആദ്യ ദിനം നടന്ന 35 കി.മീ റേസ് വാക്കിൽ ഇന്ത്യയുടെ സന്ദീപ് കുമാർ (2:39:15 ) 23-ാമതാണ് ഫിനിഷ് ചെയ്‌തത്. ഏപ്രിൽ ചണ്ഡിഗഡിൽ പുറത്തെടുത്ത പേഴ്‌സണൽ ബെസ്റ്റ് പ്രകടനത്തിനൊപ്പമെത്താൻ പോലും സന്ദീപിനായില്ല. അതേസമയം ഈ ഇനത്തിലെ ദേശീയ റെക്കാഡുകാരൻ റാം ബാബു ആയോഗ്യനാക്കപ്പെട്ടു. നാലാം റെഡ് കരാർഡ് കണ്ടതോടെയാണ് റാംബാബു അയോഗ്യനാക്കപ്പെട്ടത്. മത്സരത്തിൽ ആകെ ആറ് പേരാണ് അയോഗ്യരായത്. പത്ത് പേർ മത്സരം പൂർത്തിയാക്കിയില്ല. കാനഡയുടെ ഇവാൻ ഡുൻഫി (2:28:22) സ്വർണവും സീസൺ ബെസ്റ്റ് പ്രകടനത്തോടെ ബ്രസീലിന്റെ കായിയോ ബോൺഫിം (2:28:55) വെള്ളിയും നേടി.

വനിതകളുടെ 35 കി.മീ റേസ് വാക്കിൽ ഇന്ത്യയുടെ ദേശീയ റെക്കാഡുകാരി പ്രിയങ്ക ഗോസ്വാമി (3:05:58) 24-ാമതാണ് ഫിനിഷ് ചെയ്തത്.സ്പെയിനിന്റെ മരിയ പെരസ് (2.39.01) സ്വർണവും ഇറ്റലിയുടെ അന്റോണെല്ലാ പൽമിസാനോ (2:42:24) വെള്ളിയും നേടി.,

പുരുഷൻമാരുടെ ഷോട്ട്പുട്ടിൽ തുടർച്ചയായ മൂന്നാം തവണയും യു.എസ് താരം റയാൻ ക്രൗസർ (22.34 മീറ്റർ) സ്വർണമണിഞ്ഞു. നിലവിലെ ലോക ,മീറ്റ് റെക്കാഡുകളെല്ലാം താരത്തിന്റെ പേരിൽ തന്നെയാണ്.

വനിതകളുടെ 10,000 മീറ്ററിൽ ലോക റെക്കാഡുകാരി കെനിയയുടെ ബിയാട്രിസ് ചെബെറ്റ് (30:37.61) ലോകഅത്‌ലറ്റിക് ചാമ്പ്യൻഷിപ്പിലെ തന്റെ ആദ്യ സ്വർണം നേടി. മിക്‌സഡ് റിലേയിൽ നിലവിലെ മീറ്റ് റെക്കാഡിനൊപ്പമെത്തുന്ന പ്രകടനത്തോടെ യു.എസ്.എ (3:08.80) സ്വർണം നേടി.

മീറ്റിലെ ഗ്ലാമർ ഇനമായ 100 മീറ്റർ ഫൈനലുകൾ ഇന്ന് നടക്കും.

ഇന്ത്യ ഇന്ന്

പുരുഷൻമാരുടെ ഹൈജമ്പിൽ ഇന്ത്യയുടെ സർവേഷ് കുശാരെയും 10000 മീറ്റർ ഫൈനലിൽ ഗുൽവീർ സിംഗും മത്സരിക്കും.

ലൈവ് സ്റ്റാർസ്പോ‌ർട്സ്, ജിയോ ഹോട്ട്‌സ്റ്റാർ

ബംഗ്ലാദേശിനെ 6 വിക്കറ്റിന് തോൽപ്പിച്ച് ശ്രീലങ്ക

അ​ബു​ദാ​ബി​:​ ​ഏ​ഷ്യാ​ക​പ്പി​ൽ​ ​ഇ​ന്ന​ലെ​ ​ന​ട​ന്ന​ ​ഗ്രൂ​പ്പ് ​ബി​യി​ലെ​ ​മ​ത്സ​ര​ത്തി​ൽ​ ​ശ്രീ​ല​ങ്ക​ 6 വിക്കറ്റിന് ബംഗ്ലാദേശിനെ തോൽപ്പിച്ചു.​ ​ആ​ദ്യം​ ​ബാ​റ്റ് ​ചെ​യ്ത​ ​ബം​ഗ്ലാ​ദേ​ശ് 20​ ​ഓ​വ​റി​ൽ​ 5​ ​വി​ക്ക​റ്റ് ​ന​ഷ്‌​ട​ത്തി​ൽ​ 139​ ​റ​ൺ​സ് ​എ​ടു​ത്തു. മറുപടിക്കിറങ്ങിയ ശ്രീലങ്ക 14.4 ഓവറിൽ 4 വിക്കറ്റ് നഷ്‌ടപ്പെടുത്തിവിജയലക്ഷ്യത്തിലെത്തി (140/4)​. പതും നിസ്സാങ്ക (34 പന്തിൽ 50)​,​ കമിൽ മിശ്ര (32 പന്തിൽ 46 നോട്ടൗട്ട്)​ എന്നിവർ ചേസിംഗിൽ ശ്രീലങ്കയുടെ മുന്നണിപ്പോരാളികളായി. നേരത്തേ ​ ​ഒ​രു​ ​ഘ​ട്ട​ത്തി​ൽ​ 53​/5​ ​എ​ന്ന​ ​നി​ല​യി​ലാ​യി​രു​ന്ന​ ​ബം​ഗ്ലാ​ദേ​ശി​നെ​ ​ജാ​ക്കി​ർ​ ​അ​ലി​യും​ ​(34​ ​പ​ന്തി​ൽ​ 41​ ​നോ​ട്ടൗ​ട്ട്)​​,​​​ഷ​മിം​ ​ഹൊ​സൈ​നും​ ​(34​ ​പ​ന്തി​ൽ​ 42​ ​നോ​ട്ടൗ​ട്ട്)​​​ ​ആ​ണ് ​പൊ​രു​താ​വു​ന്ന​ ​സ്കോ​റി​ൽ​ ​എ​ത്ത​ച്ച​ത്.​ ​ത​ക​ർ​ക്ക​പ്പെ​ടാ​ത്ത​ ​ആ​റാം​ ​വി​ക്ക​റ്റി​ൽ​ ​ഇ​രു​വ​രും​ 61​ ​പ​ന്തി​ൽ​ 86​ ​റ​ൺ​സി​ന്റെ​ ​കൂ​ട്ടു​കെ​ട്ടു​ണ്ടാ​ക്കി.​ഹ​സ​ര​ങ്ക​ 2​വി​ക്ക​റ്റ് ​വീ​ഴ്‌​ത്തി.

വനിതകളുടെ 1500 മീറ്ററിൽ പൂജ ഒല്ലയ്കക് സെമിയിൽ എത്താനായില്ല. ഹീറ്റ്‌സ് 2ൽ 11-ാമതാണ് താരം ഫിനിഷ് ചെയ്തത്.