മറച്ചുവച്ച ഭാഗത്തെ മറുകുവരെ ജെമിനി കണ്ടെത്തി, പേടിച്ചുപോയി; അനുഭവം തുറന്നുപറഞ്ഞ് യുവതി

ഗൂഗിൾ ജെമിനിയുടെ 'ബനാന എഐ സാരി ട്രെൻഡിന്' സോഷ്യൽ മീഡിയയിൽ വമ്പൻ സ്വീകാര്യതയാണ് ലഭിച്ചുകൊണ്ടിരിക്കുന്നത്. ഫേസ്ബുക്കും ഇൻസ്റ്റഗ്രാമുമൊക്കെ തുറക്കുമ്പോൾത്തന്നെ ഇത്തരം ചിത്രങ്ങളാണ് കാണുന്നത്. ഇത് സുരക്ഷാ ഭീഷണിയുണ്ടാക്കുന്നുവെന്നൊക്കെ പറഞ്ഞുകൊണ്ട് ഇതിനിടയിൽ ചിലർ രംഗത്തെത്തിയിട്ടുമുണ്ട്. ഇപ്പോഴിതാ ജെമിനിയിൽ സാരി ഇമേജ് തയ്യാറാക്കിയപ്പോൾ തനിക്കുണ്ടായ ഭയാനകമായ അനുഭവം പങ്കുവച്ചിരിക്കുകയാണ് ഝലക്ഭവ്നാനി എന്ന യുവതി.

ഇൻസ്റ്റഗ്രാമിലൂടെയാണ് യുവതി തനിക്കുണ്ടായ അനുഭവം പങ്കുവച്ചിരിക്കുന്നത്. 'ചിത്രം അപ്‌ലോഡ് ചെയ്യുകയും, നിങ്ങൾ നൽകുന്ന പ്രോംപ്റ്റ് ഉപയോഗിച്ച് ജെമിനി സാരിയിലുള്ള ഇമേജാക്കുകയും ചെയ്യുന്നു. ഇന്നലെ രാത്രി ഞാൻ ഇതൊന്ന് പരീക്ഷിച്ചുനോക്കി. ഇതിലെ ഒരു കാര്യം എന്നെ ഭയപ്പെടുത്തി.

പച്ചക്കളറുള്ള ഫുൾ സ്ലീവ് ചുരിദാർ ധരിച്ച ഫോട്ടോയായിരുന്നു അപ്‌ലോഡ് ചെയ്തത്. സാരിയിലുള്ള മനോഹരമായ ചിത്രം ജെമിനി നൽകി. ഞാൻ അന്ന് ഇൻസ്റ്റഗ്രാമിലൊക്കെ അപ്‌ലോഡ് ചെയ്യുകയും ചെയ്തു. അതിനുശേഷമാണ് ഒരു കാര്യം ശ്രദ്ധിച്ചത്. മറച്ചുവച്ചിരിക്കുന്ന ഭാഗത്തുള്ള മറുക് ജെമിനി തയ്യാറാക്കിയ സാരിയുടത്തുള്ള ചിത്രത്തിൽ കാണാമായിരുന്നു.

എന്റെ ശരീരത്തിന്റെ ഈ ഭാഗത്ത് മറുകുണ്ടെന്ന് എങ്ങനെ ജെമിനിക്ക് അറിയാം? ഇത് ഭയാനകമാണ്, വളരെ ഭയാനകമാണ്. ഇത് എങ്ങനെ സംഭവിച്ചുവെന്ന് എനിക്ക് ഇപ്പോഴും ഉറപ്പില്ല. ഈ വിവരങ്ങൾ നിങ്ങളുമായി പങ്കിടാൻ ഞാൻ ആഗ്രഹിച്ചു. ദയവായി സുരക്ഷിതരായിരിക്കുക...'- യുവതി പറഞ്ഞു.

View this post on Instagram

A post shared by झलक भावनानी ✨ (@jhalakbhawnani)