ഗാസയിൽ കൂട്ടക്കൊല തുടർന്ന് ഇ​സ്രയേ​ൽ; 37 മരണം

ന്യൂ​യോ​ർ​ക്ക്:യു.എസ് മ​ണ്ണി​ൽ ലോ​ക​രാ​ജ്യ​ങ്ങ​ൾ സ​മ്മേ​ളി​ച്ച് ന​യ​ത​ന്ത്ര നീ​ക്കം ശ​ക്ത​മാ​ക്കി​യ​തി​നി​ ടെ ഗാസയിൽ കൂട്ടക്കൊല തുടർന്ന് ഇസ്രയേൽ.ഗാസ സിറ്റിയിൽ കൂടുതൽ മേഖലകളിൽ കരസേനയെ വിന്യസിച്ച് ആക്രമണം ശക്തമാക്കിയട്ടുണ്ട്.തിങ്കളാഴ്ച്ച മാത്രം 30ലേറെ പേർ കൊല്ലപ്പെട്ടു.ഗാസ​യി​ലു​ട​നീ​ളം ആ​ക്ര​മ​ണ​ങ്ങ​ളി​ലാ​യി 37 പേ​രു​ടെ മ​ര​ണം സ്ഥി​രീ​ക​രി​ച്ചു.അ​തി​നി​ടെ,ഗാസ സിറ്റിയി​ലെ ത​ൽ അ​ൽ ഹ​വ​യി​ൽ ഇ​സ്ര​യേ​ലി മെ​ർ​ക്കാ​വ ടാ​ങ്ക് ഹ​മാ​സ് സാ​യു​ധ വി​ഭാ​ഗം ത​ക​ർ​ത്തു.വെ​സ്റ്റ് ബാ​ങ്കി​ൽ ഇ​സ്രാ​യേ​ൽ നി​യ​ന്ത്ര​ണ​ത്തി​ലു​ള്ള കി​ങ് ഹു​സൈ​ൻ പാ​ലം അ​ട​ച്ചു.യ​മ​ൻ തീ​ര​ത്തു​നി​ന്ന് അ​ക​ലെ ഏ​ദ​ൻ ക​ട​ലി​ൽ ക​പ്പ​ൽ ആ​ക്ര​മി​ക്ക​പ്പെ​ട്ട​താ​യും റി​പ്പോ​ർ​ട്ടു​ണ്ട്.

ഇസ്രയേൽ സൈനികനെ ഹമാസ് വധിച്ചു

ഗാസ: ഗാസയിൽ ഇസ്രയേലി സൈനികനെ ഹമാസ് ​വധിച്ചു. കഴിഞ്ഞ ദിവസം നടന്ന ആക്രമണത്തിലാണ് ആംഡ് ബ്രിഗേഡിന്റെ 77-ം ബറ്റാലിയൻ കമ്പനി കമാൻഡർ മേജർ ഷഹർ നെറ്റനെൽ ബൊസാഗ്ലോ (27) ​കൊല്ലപ്പെട്ടത്.തിങ്കളാഴ്ച ഗാസ സിറ്റിയിൽ ഇയാൾ സഞ്ചരിച്ച 77-ാമത് ബറ്റാലിയന്റെ ടാങ്കിന് നേരെ ഹമാസ് ആക്രമിക്കുകയായിരുന്നെന്ന് ഇസ്രയേൽ പ്രതിരോധ സേന അറിയിച്ചു. സാരമായി പരിക്കേറ്റ ബൊസാഗ്ലോയെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ ആഴ്ച ഗാസ സിറ്റിയിൽ ഇസ്രയേൽ മനുഷ്യക്കുരുതി ആരംഭിച്ച ശേഷം ​കൊല്ലപ്പെടുന്ന ആദ്യ ഇ​സ്രയേലി സൈനികനാണ്.

ഹമാസ് പ്രതിരോധ പ്രസ്ഥാനം -ഉർദുഗാൻ

ഇസ്താംബുൾ:ഹമാസിനെ തീവ്രവാദസംഘടനയായി കാണുന്നില്ലെന്നെന്നും അത് പ്രതിരോധ പ്രസ്ഥാനമായാണെന്നും തുർക്കിയ പ്രസിഡന്റ് റജബ് ത്വയ്യിബ് ഉർദുഗാൻ.പാലസ്തീനുമായി ബന്ധപ്പെട്ട യു.എൻ സമ്മേളനത്തിന് മുമ്പായി മാദ്ധ്യമങ്ങളോട് സംസാരിക്കുമ്പോഴായിരുന്നു പരാമർശം. ഗാസയിൽ ഇസ്രയേൽ നടത്തുന്ന ആക്രമണം പാലസ്തീൻ രാഷ്ട്രമെന്ന സങ്കൽപ്പം തന്നെ ഇല്ലാതാക്കുന്നതാണെന്നും ഉർദുഗാൻ പറഞ്ഞു.