മത്സ്യത്തൊഴിലാളി സമാശ്വാസ സഹായം കൂട്ടും

തിരുവനന്തപുരം: മത്സ്യത്തൊഴിലാളികൾക്ക് നൽകുന്ന സമാശ്വാസ സഹായം 4500 രൂപയിൽ നിന്ന് വർദ്ധിപ്പിക്കുന്നത് പരിഗണിക്കുമെന്ന് മന്ത്രി സജി ചെറിയാൻ നിയമസഭയിൽ പറഞ്ഞു. കേന്ദ്ര-സംസ്ഥാന സംയുക്ത പദ്ധതിയായാണ് നടപ്പാക്കുന്നത്. കേന്ദ്രവിഹിതം ലഭിക്കാനുള്ള താമസം കാരണമാണ് സഹായ വിതരണം വൈകുന്നത്. കേന്ദ്രാനുമതിയില്ലാതെ സംസ്ഥാന വിഹിതം മാത്രമായി നൽകാനാവില്ല. സംസ്ഥാന വിഹിതം നൽകാൻ പണം റെഡിയാണെന്നും കേന്ദ്രാനുമതി ലഭിച്ചാൽ സഹായം വിതരണം ചെയ്യുമെന്നും കെ.കെ.രമയുടെ സബ്മിഷന് മറുപടി നൽകുകയായിരുന്നു.