തായ്‌ലൻഡിലെ ബീച്ച്  റെെഡിൽ  പങ്കെടുക്കുന്നതിനിടെ ഹൃദയാഘാതം; മലയാളി യുവതി മരിച്ചു

തൃശൂർ: തായ്‌ലൻഡിലേക്ക് കുടുംബസമേതം വിനോദയാത്രയ്ക്ക് പോയ യുവതി ഹൃദയാഘാതത്തെ തുടർന്ന് മരിച്ചു. തൃശൂർ പൊന്നൂക്കര പോസ്റ്റ് ഓഫീസ് റോഡിലെ ചീരമ്പൻ വീട്ടിൽ ബിജുവിന്റെ ഭാര്യ ജാനറ്റാണ് (44) മരിച്ചത്. കഴിഞ്ഞ മൂന്നിനാണ് ജാനറ്റും സംഘവും തായ്‌ലൻഡിലേക്ക് പോയത്. തിങ്കളാഴ്ച ഫുക്കറ്റിലെ ബീച്ച് റെെഡിൽ പങ്കെടുക്കുന്നതിനിടെയാണ് ജാനറ്റിന് ഹൃദയാഘാതമുണ്ടായത്. ഉടനെ ആശുപത്രിയിലെത്തിച്ചെങ്കിലും ചികിത്സയിലിരിക്കെ വ്യാഴാഴ്ച ഉച്ചയ്ക്ക് മരണത്തിന് കീഴടങ്ങി. മൃതദേഹം നാട്ടിലെത്തിക്കും. സംസ്കാരം പിന്നീട്. മക്കൾ: ഐറിൻ മരിയ, ഷോൺ, സ്റ്റെയിൻ.