അങ്കത്തട്ടിൽ മന്ത്രി പ്രസാദിന്റെ സഹോദരി​യും

മാന്നാർ: തദ്ദേശ തി​രഞ്ഞെടുപ്പി​ൽ സി​.പി​.ഐ സ്ഥാനാർത്ഥിയായി കൃഷി മന്ത്രി പി. പ്രസാദിന്റെ സഹോദരി സുജാത വേണുഗോപാലും. ആലപ്പുഴ മാന്നാർ ഗ്രാമപഞ്ചായത്ത് 16-ാം വാർഡിൽ നിന്നാണ് മത്സരി​ക്കുന്നത്. കുട്ടമ്പേരൂർ കൈമാട്ടിൽ വേണുഗോപാലിന്റെ ഭാര്യയാണ്. കഴിഞ്ഞ തവണ യു.ഡി.എഫ് വിജയിച്ച വാർഡ് തിരിച്ചു പിടിക്കുകയാണ് ലക്ഷ്യം. എ.ഐ.എസ്.എഫിലൂടെ രാഷ്ട്രീയ പ്രവർത്തനത്തി​ന് തുടക്കം കുറിച്ച സുജാത വിവാഹത്തിനു ശേഷം സജീവ പ്രവർത്തനം നടത്തിയിരുന്നില്ല. ബംഗളൂരുവി​ൽ ജോലി ചെയ്യുന്ന അഞ്ജലി, ജില്ലാ മിഷൻ കമ്മ്യൂണിറ്റി കൗൺസലറായ ആതിര എന്നിവർ മക്കളാണ്. മരുമക്കൾ: അനീഷ്, വിനീത്.