സയ്യിദ് മുഷ്താഖ് അലി ട്രോഫി: സഞ്ജു സാംസൺ നയിക്കും

തിരുവനന്തപുരം: സയ്യിദ് മുഷ്താഖ് അലി ട്രോഫി ടൂർണമെന്റിനുള്ള കേരള ടീമിനെ പ്രഖ്യാപിച്ചു. സഞ്ജു സാംസനാണ് ടീമിൻ്റെ ക്യാപ്റ്റൻ. യുവതാരം അഹ്മദ് ഇമ്രാനെ വൈസ് ക്യാപ്റ്റനായും നിയമിച്ചിട്ടുണ്ട്. ഈമാസം 26 മുതൽ ഡിസംബ‍ർ എട്ട് വരെ ലഖ്നൗവിലാണ് ടൂ‍ർണമെൻ്റ് നടക്കുന്നത്.

കേരള ടീം: സഞ്ജു സാംസൺ (ക്യാപ്റ്റൻ, വിക്കറ്റ് കീപ്പർ), അഹമ്മദ് ഇമ്രാൻ (വൈസ് ക്യാപ്റ്റൻ), രോഹൻ എസ്. കുന്നുമ്മൽ, മുഹമ്മദ് അസറുദ്ദീൻ എം. (വിക്കറ്റ് കീപ്പർ), വിഷ്ണു വിനോദ് (വിക്കറ്റ് കീപ്പർ), നിധീഷ് എം. ഡി., ആസിഫ് കെ. എം., അഖിൽ സ്കറിയ, ബിജു നാരായണൻ എൻ, അങ്കിത് ശർമ്മ, കൃഷ്ണ ദേവൻ ആർ. ജെ., അബ്ദുൾ ബാസിത് പി. എ., ഷറഫുദ്ദീൻ എൻ. എം., സിബിൻ പി. ഗിരീഷ് , കൃഷ്ണ പ്രസാദ്, സാലി വി. സാംസൺ, വിഘ്നേഷ് പുത്തൂർ, സൽമാൻ നിസാർ.

ചെൽസിക്ക് ജയം

ലണ്ടൻ: ഇംഗ്ലീഷ് പ്രിമിയർ ലീഗിൽ ചെൽസി 2-0ത്തിന് ബേൺലിയെ തോൽപ്പിച്ചു. പെഡ്രോ നെറ്റോയും എൻസോ ഫെർണാണ്ടസുമാണ് ചെൽസിക്കായി ലക്ഷ്യം കണ്ടത്. 12 മത്സരങ്ങളിൽ നിന്ന് 23 പോയിന്റുള്ല ചെൽസി രണ്ടാം സ്ഥാനത്തെത്തി. തരംതാഴ്‌ത്തൽ ഭീഷണി നേരിടുന്ന ബേൺലി 19-ാമതാണ്.