അഗ്രി ബിസിനസ് മാനേജ്മെന്റിൽ പി.ജി ഡിപ്ലോമ

കേന്ദ്ര സർക്കാരിന് കീഴിൽ ഹൈദരാബാദിൽ പ്രവർത്തിക്കുന്ന സ്വയംഭരണ സ്ഥാപനമായ നാഷണൽ ഇൻസ്റ്റിറ്റ്യൂട്ട് ഒഫ് അഗ്രിക്കൾച്ചറൽ എക്സ്റ്റെൻഷൻ മാനേജ്മെന്റിൽ (M.A.N.A.G.E) അഗ്രി ബിസിനസ് മാനേജ്മെന്റ് പി.ജി ഡിപ്ലോമ 2026-28 അദ്ധ്യയന വർഷ പ്രോഗ്രാമിന് അപേക്ഷിക്കാം.ഫിനാൻസ്,മാർക്കറ്റിംഗ്, പ്രൊക്യുർമെന്റ്,അനലിറ്റിക്സ് വിഷയങ്ങളിൽ സ്പെഷ്യലൈസേഷൻ ചെയ്യാം.മൂന്നു മാസം വീതം നീളുന്ന ഏഴ് ട്രിമെസ്റ്ററുകളായാണ് കോഴ്സ് നടക്കുക.2026 ജൂണിൽ കോഴ്സ് ആരംഭിക്കും.

വിഷയങ്ങൾ:അഗ്രി ബിസിനസ് മാാനേജ്മെന്റ്,അഗ്രിക്കൾച്ചർ,അഗ്രിക്കൾച്ചറൽ മാർക്കറ്റിംഗ് & കോപ്പറേഷൻ, അഗ്രിക്കൾച്ചറൽ എൻജിനിയറിംഗ്,അഗ്രിക്കൾച്ചറൽ ഇൻഫർമേഷൻ ടെക്നോളജി,കൊമേഴ്സ്യൽ അഗ്രിക്കൾച്ചർ,ഫിഷറീസ്,ഡയറി ടെക്നോളജി,ഫുഡ് ടെക്നോളജി,ഫുഡ് പ്രോസസിംഗ് എൻജിനിയറിംഗ്, ഹോർട്ടിക്കൾച്ചർ,ഫോറസ്ട്രി,സെറിക്കൾച്ചർ,വെറ്ററിനറി സയൻസ് & അനിമൽ ഹസ്ബൻഡറി,കാർഷിക അനുബന്ധ മറ്റ് വിഷയങ്ങൾ.

യോഗ്യത:50 ശതമാനം മാർക്കോടെ അഗ്രിക്കൾച്ചർ സയൻസിലോ അഗ്രിക്കൾച്ചർ അനുബന്ധ വിഷയങ്ങളിലോ ബിരുദം.എസ്.സി/എസ്.ടി,ഭിന്നശേഷിക്കാർക്ക് 45 ശതമാനം മാർക്ക് മതി.2025 CAT സ്കോറുണ്ടായിരിക്കണം.തിരഞ്ഞെടുപ്പ്:CAT സ്കോറിന്റെ അടിസ്ഥാനത്തിൽ ഷോർട്ട് ലിസ്റ്റ് ചെയ്യുന്നവർക്ക് എസ്സേ റൈറ്റിംഗ്,ഗ്രൂപ്പ് ഡിസ്കഷൻ,ഇന്റർവ്യൂ എന്നിവയുടെ അടിസ്ഥാനത്തിലാണ് തിരഞ്ഞെടുപ്പ്.അഗ്രിക്കൾച്ചർ മാനേജ്മെന്റിലെ അറിവ് പരിശോധിക്കാനാണ് എസ്സേ റൈറ്റിംഗ്.കോഴ്സ് ഫീസ് 9,75,000 രൂപ.പ്രോഗ്രാമിന്റെ ഭാഗമായി താത്പര്യമുള്ളവർക്ക് വിദേശ പഠനത്തിനുള്ള അവസരവും ഉണ്ട് (അധിക ഫീസ് 5 ലക്ഷം വരെ).കോഴ്സ് കഴിഞ്ഞിറങ്ങുന്നവർക്ക് വലിയ തൊഴിൽ സാധ്യതയുണ്ട്.പ്രധാന റിക്രൂട്ടേഴ്സിന്റെ ലിസ്റ്റ് വെബ്സൈറ്രിൽ ലഭ്യമാണ്.വെബ്സൈറ്റ്: www.manage.gov.in.അവസാന തീയതി: 10.02.2026.