സ്ഥാനാർത്ഥി കുഴഞ്ഞുവീണു മരിച്ചു

എടക്കര: തിരഞ്ഞെടുപ്പ് പ്രചാരണം കഴിഞ്ഞ് വീട്ടിൽ തിരിച്ചെത്തിയ സ്ഥാനാർത്ഥി കുഴഞ്ഞുവീണു മരിച്ചു. മൂത്തേടം പഞ്ചായത്തിലെ പായിമ്പാടം ഏഴാം വാർഡിൽ നിന്ന് മത്സരിക്കുന്ന മുസ്ലിം ലീഗിലെ വട്ടത്ത് ഹസീന (52 ) ആണ് മരിച്ചത്. പായിമ്പാടം അങ്കണവാടി അദ്ധ്യാപികയാണ്. ഇന്നലെ പകൽ മുഴുവൻ വീടുകൾ കയറിയുള്ള വോട്ട് അഭ്യർത്ഥനയും, കുടുംബയോഗങ്ങളിലും പങ്കെടുത്തതാണ് വീട്ടിലെത്തിയത്. ഞായറാഴ്ച രാത്രി പതിനൊന്നരയോടെ വേദന അനുഭവപ്പെടുകയായിരുന്നു. എടക്കരയിലെ സ്വകാര്യ ആശുപത്രിയിലേക്ക് കൊണ്ടുപോകും വഴിയാണ് മരിച്ചത്. ഭർത്താവ്: അബ്ദുറഹ്മാൻ. മക്കൾ: ഷഹാന, നിഷാന, റസ്സാ. മരുമകൻ: റഫീഖ്.