അട്ടപ്പള്ളത്തെ ആൾക്കൂട്ടക്കൊല : നീതി കിട്ടാതെ മൃതദേഹം ഏറ്റെടുക്കില്ലെന്ന് കുടുംബം

തൃശൂർ : നീതി ലഭിക്കാതെ, വാളയാറിലെ അട്ടപ്പള്ളത്ത് ആൾക്കൂട്ട മർദ്ദനത്തിനിരയായി കൊല്ലപ്പെട്ട ഛത്തീസ്ഗഢ് സ്വദേശി രാംനാരായണൻ ബഗേലിന്റെ (31) മൃതദേഹം ഏറ്റെടുക്കില്ലെന്ന് കുടുംബം. 25 ലക്ഷം നഷ്ടപരിഹാരം നൽകണമെന്നും കുറ്റവാളികൾക്കെതിരെ എസ്.സി - എസ്.ടി പീഡന നിരോധന നിയമപ്രകാരം കേസെടുക്കണമെന്നും ആവശ്യപ്പെട്ട് കുടുംബാംഗങ്ങൾ തൃശൂർ മെഡിക്കൽ കോളേജിൽ പ്രതിഷേധത്തിലാണ്.

അന്യനാടല്ലെന്ന് കരുതി കേരളത്തിലെത്തിയ തങ്ങളുടെ പ്രിയപ്പെട്ടവനെ ചേതനയറ്റ നിലയിൽ നാട്ടിലേക്ക് കൊണ്ടുപോകാൻ കഴിയില്ലെന്നും, കുറ്റവാളികളെയെല്ലാം നിയമത്തിന് മുന്നിൽ കൊണ്ടുവരുന്നതുവരെ ഇവിടെ തുടരുമെന്നും കുടുംബാംഗങ്ങൾ മാദ്ധ്യമങ്ങളോട് വിശദീകരിച്ചു. ആശങ്കകൾ പുകയുന്നതിനിടെ, പ്രതിഷേധിക്കുന്ന കുടുംബവുമായി ചർച്ച നടത്താൻ സർക്കാർ പ്രതിനിധിയായി പാലക്കാട് ആർ.ഡി.ഒ തൃശൂരിലേക്ക് തിരിച്ചു. മെഡിക്കൽ കോളേജിലെത്തി കുടുംബവുമായി സംസാരിക്കും.

അതിനിടെ രണ്ട് പിഞ്ചുമക്കളടങ്ങുന്ന രാംനാരായണന്റെ നിർദ്ധന കുടുംബം അനാഥമായെന്ന് ബന്ധുക്കൾ ആരോപിച്ചു. സർക്കാരിന്റെ ഭാഗത്തുനിന്ന് ആശ്വാസവാക്കുകളോ സഹായമോ ലഭിച്ചില്ലെന്നും ബന്ധുവായ ശശികാന്ത് വിശദീകരിച്ചു. ജസ്റ്റിസ് ഫോർ രാം നാരായൺ ഭാഗേൽ ആക്‌ഷൻ കമ്മിറ്റി പ്രവർത്തകരും മാനവീയം സംഘടനയുടെ പ്രതിനിധികളും മറ്റ് സാമൂഹിക സംഘടനകളും ചേർന്നാണ് ബന്ധുക്കളെ തൃശൂർ മെഡിക്കൽ കോളേജിലെത്തിച്ചത്. ഛത്തീസ്ഗഢിലെ കർഹി വില്ലേജിലെ ഒരു ചെറിയ കുടിലിലാണ് രാംനാരായണനും കുടുംബവും കഴിയുന്നത്.

പത്തും എട്ടും വയസുള്ള അനൂജ്, ആകാശ് എന്നീ രണ്ട് ആൺമക്കളും രോഗിയായ അമ്മയും ഭാര്യയും അടങ്ങുന്ന കുടുംബത്തിന്റെ ഏക അത്താണിയായിരുന്നു. വാർദ്ധക്യസഹജമായ അസുഖങ്ങൾ അലട്ടുന്നതിനാൽ അമ്മയ്ക്ക് കാണാൻ വരാനായില്ല. ആറ് മാസമായി പാലക്കാട് കെട്ടിട നിർമ്മാണ ജോലി ചെയ്യുന്ന ബന്ധുവായ ശശികാന്തിന്റെ അടുത്തേക്കാണ് ആദ്യം ജോലി തേടി രാംനാരായണനെത്തിയത്. ദളിത് സമുദായക്കാരായ തങ്ങൾക്ക് നീതി ലഭിക്കണമെങ്കിൽ കർശനനിയമങ്ങൾ ചുമത്തണമെന്നാണ് കുടുംബത്തിന്റെ ആവശ്യം.

ആ​ൾ​ക്കൂ​ട്ട​ ​കൊ​ല​പാ​ത​കം
​മു​ഖ്യ​മ​ന്ത്രി​ക്ക് ​പ്ര​തി​പ​ക്ഷ​ ​നേ​താ​വി​ന്റെ​ ​ക​ത്ത്

തി​രു​വ​ന​ന്ത​പു​രം​:​ ​അ​ട്ട​പ്പ​ള്ള​ത്തെ​ ​ആ​ൾ​ക്കൂ​ട്ട​ ​കൊ​ല​പാ​ത​ക​ത്തി​ൽ​ ​പ്ര​തി​ക​ൾ​ക്ക് ​ശി​ക്ഷ​ ​ഉ​റ​പ്പാ​ക്ക​ണ​മെ​ന്നും​ ​മ​രി​ച്ച​ ​അ​തി​ഥി​ ​തൊ​ഴി​ലാ​ളി​യു​ടെ​ ​കു​ടും​ബ​ത്തെ​ ​സ​ർ​ക്കാ​ർ​ ​സാ​മ്പ​ത്തി​ക​മാ​യി​ ​സ​ഹാ​യി​ക്ക​ണ​മെ​ന്നും​ ​ആ​വ​ശ്യ​പ്പെ​ട്ട് ​പ്ര​തി​പ​ക്ഷ​ ​നേ​താ​വ് ​വി.​ഡി.​സ​തീ​ശ​ൻ​ ​മു​ഖ്യ​മ​ന്ത്രി​ക്ക് ​ക​ത്ത് ​ന​ൽ​കി.​ ​കേ​ര​ള​ത്തി​ൽ​ ​ആ​വ​ർ​ത്തി​ക്കി​ല്ലെ​ന്ന് ​നാം​ ​ക​രു​തി​യ​ ​ആ​ൾ​ക്കൂ​ട്ട​ ​കൊ​ല​പാ​ത​കം​ ​വീ​ണ്ടും​ ​ഉ​ണ്ടാ​യി​രി​ക്കു​ക​യാ​ണെ​ന്ന് ​ക​ത്തി​ൽ​ ​ചൂ​ണ്ടി​ക്കാ​ട്ടി​ .

ആ​ൾ​ക്കൂ​ട്ട​ക്കൊ​ല​:​അ​ന്വേ​ഷ​ണം
ജി​ല്ലാ​ ​ക്രൈം​ ​ബ്രാ​ഞ്ചി​ന്

വാ​ള​യാ​ർ​:​ ​അ​ട്ട​പ്പ​ള്ള​ത്ത് ​ആ​ൾ​ക്കൂ​ട്ട​ ​മ​ർ​ദ​ന​ത്തി​നി​ര​യാ​യി​ ​അ​തി​ഥി​ത്തൊ​ഴി​ലാ​ളി​ ​രാം​ ​നാ​രാ​യ​ൺ​ ​ഭ​യ്യാ​ർ​ ​കൊ​ല്ല​പ്പെ​ട്ട​ ​കേ​സി​ന്റെ​ ​അ​ന്വേ​ഷ​ണം​ ​ജി​ല്ലാ​ ​ക്രൈ​ബ്രാ​ഞ്ചി​ന് ​കൈ​മാ​റി.​ ​ഇ​ന്ന​ലെ​ ​ഉ​ത്ത​ര​വി​റ​ങ്ങി.​ ​ഡി​വൈ.​എ​സ്.​പി​ ​എം.​ഗോ​പ​കു​മാ​റി​ന്റെ​ ​നേ​തൃ​ത്വ​ത്തി​ലാ​ണ് ​അ​ന്വേ​ഷ​ണം.​ ​ഗോ​പ​കു​മാ​റി​നു​ ​പു​റ​മേ​ ​ഒ​രു​ ​ഇ​ൻ​സ്‌​പെ​ക്ട​റും​ ​ഒ​രു​ ​എ​സ്‌.​ഐ​യും​ ​ഉ​ൾ​പ്പെ​ടു​ന്ന​താ​ണ് ​അ​ന്വേ​ഷ​ണ​ ​സം​ഘം.​ ​കൂ​ടു​ത​ൽ​ ​ഗൗ​ര​വ​ത്തോ​ടെ​ ​അ​ന്വേ​ഷി​ക്കേ​ണ​ണ്ട​തി​നാ​ലാ​ണ് ​പ്ര​ത്യേ​ക​ ​സം​ഘ​ത്തെ​ ​നി​യോ​ഗി​ച്ച​തെ​ന്ന് ​ജി​ല്ലാ​ ​പൊ​ലീ​സ് ​മേ​ധാ​വി​ ​അ​ജി​ത് ​കു​മാ​ർ​ ​അ​റി​യി​ച്ചു.
അ​ഞ്ച് ​പേ​രാ​ണ് ​റി​മാ​ൻ​ഡി​ലു​ള്ള​ത്.​ ​ഇ​വ​ർ​ക്കെ​തി​രെ​ ​കൊ​ല​പാ​ത​കം,​ ​സം​ഘം​ ​ചേ​ർ​ന്നു​ ​മ​ർ​ദ്ദി​ക്ക​ൽ,​ ​ത​ട​ഞ്ഞു​ ​വ​യ്ക്ക​ൽ,​ ​മാ​ര​കാ​യു​ധ​ങ്ങ​ളു​മാ​യി​ ​ആ​ക്ര​മി​ക്ക​ൽ​ ​തു​ട​ങ്ങി​യ​ ​കു​റ്റ​ങ്ങ​ളാ​ണ് ​ചു​മ​ത്തി​യി​ട്ടു​ള്ള​ത്.​ ​ര​ണ്ടു​ ​മ​ണി​ക്കൂ​റോ​ളം​ ​മ​ർ​ദ്ദ​ന​ത്തി​നി​ക​യാ​യെ​ന്നാ​ണ് ​സൂ​ച​ന.​ ​ചോ​ര​ ​ഛ​ർ​ദ്ദി​ച്ചു​ ​കു​ഴ​ഞ്ഞു​ ​വീ​ണ​ ​ശേ​ഷ​വും​ ​വ​ടി​കൊ​ണ്ട് ​മ​ർ​ദി​ച്ചി​ട്ടു​ണ്ടെ​ന്നാ​ണ് ​പൊ​ലീ​സി​നു​ ​ല​ഭി​ക്കു​ന്ന​ ​വി​വ​രം.
കൊ​ല്ല​പ്പെ​ട്ട​ ​രാം​ ​നാ​രാ​യ​ൺ​ ​ഭ​യ്യാ​ർ​ ​ദ​ളി​ത് ​വി​ഭാ​ഗ​ക്കാ​ര​നാ​യ​തി​നാൽജാ​തീ​യ​മാ​യി​ ​ആ​ക്ഷേ​പി​ക്ക​ൽ,​ ​വം​ശീ​യ​മാ​യി​ ​അ​ധി​ക്ഷേ​പി​ക്ക​ൽ​ ​തു​ട​ങ്ങി​യ​ ​വ​കു​പ്പു​ക​ളും​ ​ചു​മ​ത്തി​യേ​ക്കും.​ ​ഇ​രു​പ​തോ​ളം​ ​പേ​ർ​ ​നി​രീ​ക്ഷ​ണ​ത്തി​ലു​ണ്ട്.​ ​പ്ര​തി​ക​ളെ​ന്നു​ ​സം​ശ​യി​ക്കു​ന്ന​ ​ചി​ല​ർ​ ​മു​ങ്ങി​യ​താ​യും​ ​വി​വ​ര​മു​ണ്ട്.​ ​സൈ​ബ​ർ​ ​പൊ​ലീ​സി​ന്റെ​ ​കൂ​ടി​ ​സ​ഹാ​യ​ത്തോ​ടെ​ ​മൊ​ബൈ​ൽ​ ​ഫോ​ൺ​ ​ലോ​ക്കേ​ഷ​ൻ​ ​ഉ​ൾ​പ്പെ​ടെ​ ​നി​രീ​ക്ഷി​ച്ചും​ ​അ​ന്വേ​ഷ​ണം​ ​ന​ട​ക്കു​ന്നു​ണ്ട്.