രൂപയും സ്വർണവും കവർന്നു

ബാലരാമപുരം: കട്ടച്ചൽക്കുഴിയിൽ പട്ടാപ്പകൽ മൂന്ന് ലക്ഷം രൂപയും രണ്ട് പവൻ സ്വർണവും കവർന്നു.കഴിഞ്ഞ ദിവസം ഉച്ചയോടെയാണ് മോഷണം നടന്നതായി പൊലീസ് സംശയിക്കുന്നത്.മംഗലത്തുകോണം പുത്തൻകാനം നെടിയവിള വീട്ടിൽ ഗോപാലൻ മകൻ സുരേഷിന്റെ വീട്ടിലായിരുന്നു കവർച്ച.മേശയിൽ സൂക്ഷിച്ചിരുന്ന മൂന്ന് ലക്ഷം രൂപയും സുരേഷിന്റെ മകളുടെ സ്വർണമാല,​സ്വർണകമ്മൽ,​സ്വർണമോതിരം ഉൾപ്പെടെ രണ്ട് പവൻ സ്വർണവുമാണ് കള്ളൻ അപഹരിച്ചത്. ബാലരാമപുരം പൊലീസ് കേസെടുത്ത് അന്വേഷണമാരംഭിച്ചു.