മന്നംജയന്തി ആഘോഷം നാളെ മുതൽ

കോട്ടയം: സമുദായാചാര്യൻ മന്നത്ത് പത്മനാഭന്റെ 149–ാമത് ജയന്തി ആഘോഷങ്ങൾ നാളെയും മറ്റന്നാളും പെരുന്നയിൽ നടക്കും. ജനുവരി 1ന് രാവിലെ 7 മുതൽ മന്നംസമാധിയിൽ പുഷ്പാർച്ചന, 10.30ന് അഖിലകേരള നായർ പ്രതിനിധിസമ്മേളനം. എൻ.എസ്.എസ് ജനറൽ സെക്രട്ടറി ജി.സുകുമാരൻനായർ സംഘടനാപ്രവർത്തനങ്ങൾ വിശദീകരിക്കും.

എൻ.എസ്.എസ് പ്രസിഡന്റ് ഡോ.എം.ശശികുമാർ അദ്ധ്യക്ഷത വഹിക്കും. സെക്രട്ടറി ഹരികുമാർ കോയിക്കൽ പ്രസംഗിക്കും. 3ന് സംഗീതക്കച്ചേരി, വൈകിട്ട് 6.30ന് നടി ആശാശരത്തും സംഘവും അവതരിപ്പിക്കുന്ന നൃത്തസന്ധ്യ. രാത്രി 9ന് കഥകളി- നളചരിതം നാലാംദിവസം, നിഴൽക്കുത്ത്. ജനുവരി 2ന് രാവിലെ 7 മുതൽ മന്നംസമാധിയിൽ പുഷ്പാർച്ചന, വേദിയിൽ 7ന് നാഗസ്വരക്കച്ചേരി. രാവിലെ 8.30ന് നന്ദഗോവിന്ദം ഭജൻസിന്റെ 'സാന്ദ്രാനന്ദലയം'. 11ന് മന്നംജയന്തി സമ്മേളനം ദേശീയ ന്യൂനപക്ഷ കമ്മിഷനംഗം ഡോ.സിറിയക് തോമസ് ഉദ്ഘാടനം ചെയ്യും. എൻ.എസ്.എസ് പ്രസിഡന്റ് ഡോ.എം.ശശികുമാർ അദ്ധ്യക്ഷത വഹിക്കും. കവിയും ഗാനരചയിതാവുമായ രാജീവ് ആലുങ്കൽ അനുസ്മരണപ്രഭാഷണം നടത്തും. ജനറൽ സെക്രട്ടറി ജി.സുകുമാരൻനായർ, ട്രഷറർ എൻ.വി.അയ്യപ്പൻപിള്ള എന്നിവർ പ്രസംഗിക്കും.