ബംഗാളിലെ എസ്.ഐ.ആർ: തിര. കമ്മിഷന് നോട്ടീസ്

ന്യൂഡൽഹി: പശ്ചിമബംഗാളിലെ എസ്.ഐ.ആർ (തീവ്ര വോട്ടർപട്ടിക പുതുക്കൽ)​ പ്രക്രിയക്കെതിരെ സമ‌ർപ്പിച്ച ഹർജിയിൽ തിരഞ്ഞെടുപ്പ് കമ്മിഷന് സുപ്രീംകോടതി നോട്ടീസ്. തൃണമൂൽ എം.പിമാരായ ‌ഡെറിക് ഒബ്രയെനും ഡോല സെന്നും സമർപ്പിച്ച ഹ‌ർജികളിലാണ് ചീഫ് ജസ്റ്റിസ് സൂര്യകാന്ത്,​ജസ്റ്റിസ് ജോയ്‌മല്യ ബാഗ്ചി എന്നിവരടങ്ങിയ ബെഞ്ചിന്റെ നടപടി. നടപടിക്രമങ്ങളിലെ പോരായ്‌മകളാണ് തൃണമൂൽ എം.പിമാർ ചൂണ്ടിക്കാട്ടുന്നത്. എസ്.ഐ.ആർ സംബന്ധിച്ച നിർദ്ദേശങ്ങൾ ഔദ്യോഗിക മാർഗങ്ങളിലൂടെ അല്ലാതെ വാട്സാപ്പ് തുടങ്ങി സാമൂഹിക മാദ്ധ്യമങ്ങളിലൂടെയാണ് ബി.എൽ.ഒമാർക്ക് കൈമാറുന്നതെന്ന് ഹ‌ർജിയിൽ വ്യക്തമാക്കി. 19ന് വീണ്ടും പരിഗണിക്കും.