കേരളത്തിൽ സീസൺ തുടങ്ങിയപ്പോൾ കോളടിച്ചത്​ അന്യസംസ്ഥാനങ്ങൾക്ക്,​ കൊയ്യുന്നത് ലക്ഷങ്ങൾ

കിളിമാനൂർ: വേനൽച്ചൂടിൽ ചുട്ടുപൊള്ളുമ്പോൾ ആശ്വാസമായി തണ്ണിമത്തൻ. ദാഹം ശമിപ്പിക്കാൻ തണ്ണിമത്തൻ കച്ചവടക്കാർ ഉഷാറായി. പല നിറങ്ങളിലുള്ള തണ്ണിമത്തനുകളാണ്​ നഗരങ്ങളിലെയും ഗ്രാമങ്ങളിലെയും വഴിയോരക്കടകളിൽ സ്ഥാനം പിടിച്ചിരിക്കുന്നത്​.

സമാം,കിരൺ,നാംധാരി,വിശാൽ എന്നിവയാണ് പ്രധാനമായും വിപണിയിലുള്ളത്.കിലോയ്ക്ക് 25 മുതൽ 40 രൂപ വരെയാണ് വില. സാമാന്യം വലിപ്പം കുറഞ്ഞതും മധുരം കൂടുതലുള്ളതുമാ വിത്ത് അധികമില്ലാത്ത കിരൺ ഇനത്തിലെ തണ്ണിമത്തനാണ് ഗാർഹിക ഉപഭോക്താക്കൾക്കിടയിൽ പ്രിയം.25 രൂപയാണ് കിലോയ്ക്ക് വില. മഞ്ഞ തണ്ണിമത്തന്​ കിലോ 40 രൂപയാണ്​.കിരണി‍ന്റെ തന്നെ മറ്റൊരു ഇനമാണിത്​.

തമിഴ്നാട്,മഹാരാഷ്ട്ര,കർണാടക എന്നിവിടങ്ങളിൽ നിന്നാണ് ജില്ലയിലേയ്ക്ക് കൂടുതലായി തണ്ണിമത്തനെത്തുന്നത്. പാതയോരങ്ങളിൽ തണ്ണിമത്തൽ മാത്രം വിറ്റഴിക്കുന്ന നിരവധി സ്റ്റാളുകളും പെട്ടി ഓട്ടോറിക്ഷകളും പ്രത്യക്ഷപ്പെട്ടിട്ടുണ്ട്​. വേനൽ കടുക്കുന്നതോടെ വിപണി കൂടുതൽ സജീവമാകുമെന്നാണ് വ്യാപാരികൾ പറയുന്നത്.

വേനലിലെ പ്രിയ ഫലം

 പോക്കറ്റിലൊതുങ്ങുന്ന വില

 ശരീരത്തിൽ ജലാംശം നിലനിറുത്താൻ ഉത്തമം

 ശരീര താപനിലയെ നിയന്ത്രിക്കും

പ്രമേഹരോഗികളിൽ പഞ്ചസാരയുടെ അളവ് കൂട്ടും

ഒപ്പമുണ്ട് കരിക്കും

നാരങ്ങാവെള്ളവും

തണ്ണിമത്തന് പുറമെ കരിക്ക്,നാരങ്ങാവെള്ളം,സോഡ എന്നിവയ്ക്കും ഡിമാന്റ് കൂടി.ജ്യൂസ് കടകളിലും നല്ല തിരക്കാണ്.ജ്യൂസിന് 60 രൂപ ഈടാക്കുന്നുണ്ട്.നാടൻ കരിക്കിന് ലഭ്യത കുറവാണ്.അതിനാൽ വില അല്പമുയരും.കൂടാതെ സർബത്ത്,സോഡാ സംഭാരം,ലൈം ജ്യൂസ് വിൽക്കുന്ന കടകളും പാതയോരങ്ങളിൽ ഇടം പിടിച്ചിട്ടുണ്ട്.

പഴക്കച്ചവടം തകൃതി

ജലാംശം കൂടുതലുള്ള ഓറഞ്ച്,മുന്തിരി എന്നിവയ്ക്ക് ആവശ്യക്കാരേറി. ഓറഞ്ചിന് ഗുണനിലവാരമനുസരിച്ച് 100 രൂപ മുതലാണ് മൊത്തവില. മുന്തിരി തരം അനുസരിച്ച് കിലോയ്ക്ക് 130 - 200 രൂപയാണ് വില.മാതളനാരങ്ങയ്ക്ക് കിലോ 165 - 180 രൂപ വരെയാണ് വില​.

ഫോട്ടോ: വഴിയരികിലെ തണ്ണിമത്തൻ വില്പന