കിയയുടെ ആദ്യ ഡീലർ പരിശീലനകേന്ദ്രം കൊച്ചിയിൽ

കൊച്ചി: ഇന്ത്യയിലെ മുൻനിര പ്രീമിയം വാഹന നിർമ്മാതാക്കളായ കിയ ഇന്ത്യയുടെ കൊച്ചിയിലെ ഇഞ്ചിയോൺ കിയ ഡീലർഷിപ്പിൽ പുതിയ ഡീലർ ട്രെയിനിംഗ് അക്കാഡമി ആരംഭിച്ചു. ഉപഭോക്തൃകേന്ദ്രിത സമീപനത്തിന് മുൻതൂക്കം നൽകുന്ന കിയയുടെ ദൗത്യത്തിന്റെ ഭാഗമാണിത്.

രാജ്യത്തുടനീളമുള്ള ഡീലർ നെറ്റ്‌വർക്കിലുടനീളം ഏകീകൃതവും ഉയർന്ന നിലവാരമുള്ള ഉടമസ്ഥ അനുഭവം ഉറപ്പാക്കുകയാണ് ലക്ഷ്യമിടുന്നത്. ഡീലർഷിപ്പ് ഗ്രൂപ്പിനുള്ളിൽ വിൽപ്പനക്കും സർവീസിനുമായുള്ള ടീമുകൾക്കായി ലെവൽ വൺ പരിശീലന പരിപാടികൾ അക്കാഡമി സംഘടിപ്പിക്കും. പ്രാദേശികമായി പരിശീലന സൗകര്യങ്ങൾ ഒരുക്കുന്നതിലൂടെ, പുതിയ പ്രതിഭകളെ ഉൾപ്പെടുത്താനും നിലവിലെ ടീമുകളുടെ കഴിവുകൾ തുടർച്ചയായി വികസിപ്പിക്കാനും സാധിക്കും. പരിശീലനത്തിനായി ഡീലർമാർ സ്വയംപര്യാപ്തരാകുകയും, ഓരോ ഉപഭോക്തൃ ഇടപെടലിലും ആത്മവിശ്വാസമുള്ളതും നന്നായി പരിശീലനം നേടിയതുമായ ടീമുകളുടെ പിന്തുണ ഉറപ്പാക്കുകയും ചെയ്യുമെന്ന് കിയ വൃത്തങ്ങൾ പറഞ്ഞു.