നിലീൻ സാന്ദ്രയെ ശ്യാമിൻ ഗിരീഷ് സ്വന്തമാക്കുന്നു

നടി നിലീൻ സാന്ദ്ര വിവാഹിതയാകുന്നു. യുവസംവിധായകൻ ശ്യാമിൻ ഗിരീഷ് ആണ് വരൻ.

സംഗീത് പ്രതാപ്, ഷറഫുദ്ദീൻ എന്നിവരെ കേന്ദ്ര കഥാപാത്രങ്ങളാക്കി നിലീൻ സാന്ദ്രയുടെ തിരക്കഥയിൽ ശ്യാമിൻ ഗിരീഷ് ആദ്യമായി സംവിധാനം ചെയ്ത ഇറ്റ്സ് എ മെഡിക്കൽ മിറാക്കിൾ റിലീസിന് ഒരുങ്ങുകയാണ്

ദൈവം തനിക്കായി അയച്ചുതന്ന അനുഗ്രഹത്തെയാണ് വിവാഹം കഴിക്കാൻ പോകുന്നതെന്ന് നിലീൻ സമൂഹമാധ്യമത്തിൽ കുറിച്ചു.

കരിക്ക് വെബ് സീരിസിലൂടെയാണ് നിലീൻ സാന്ദ്ര പ്രേക്ഷകരുടെ ഇഷ്ടതാരമായി മാറുന്നത്. ക്രിഷാന്ത് സംവിധാനം ചെയ്ത ആവാസവ്യൂഹം എന്ന ചിത്രത്തിൽ നായികവേഷത്തിൽ തിളങ്ങി. 2018 എന്ന ചിത്രത്തിൽ നരേന്റെ ഭാര്യ വേഷത്തിലും എത്തി.

റോക്ക് പേപ്പർ സിസേഴ്സ്, സാമാർത്ഥ്യ ശാസ്ത്രം എന്നീ വെബ് സീരിസുകൾക്കും രചന നിർവഹിച്ചു.