കെ.എസ്.ആർ.ടി.സിയിൽ 7% ക്ഷാമബത്ത കൂട്ടി

തിരുവനന്തപുരം: കെ.എസ്.ആർ.ടി.സിയിൽ 7%ക്ഷാമബത്തയും പെൻഷൻകാർക്ക് ക്ഷാമാശ്വാസവും അനുവദിച്ചു. രണ്ടുഗഡു കുടിശിക അനുവദിച്ച് സർക്കാർ ഉത്തരവിറക്കിയ സാഹചര്യത്തിലാണിത്. അടുത്തമാസം വിതരണം ചെയ്യും. ഇതിനായി 10കോടി നൽകിയതായി ധനമന്ത്രി കെ.എൻ.ബാലഗോപാൽ അറിയിച്ചു.

കെ.എസ്.ആർ.ടി.സിക്ക് സാമ്പത്തിക സഹായമായി ഈ സാമ്പത്തിക വർഷം ഇതുവരെ 1,574 കോടി രൂപയാണ് സർക്കാർ നൽകിയത്. ഇതിൽ 1,439 കോടി പ്രത്യേക സഹായമായി ലഭിച്ചു. ബസ് വാങ്ങുന്നത് ഉൾപ്പെടെയുള്ള മൂലധന ചെലവിനായി 135 കോടി രൂപ നൽകിയെന്നും മന്ത്രി പറഞ്ഞു.