പ്രായോഗിക പരീക്ഷ

തിരുവനന്തപുരം: തിരുവനന്തപുരം ജില്ലയിൽ വിവിധ വകുപ്പുകളിൽ ഡ്രൈവർ ഗ്രേഡ് 2 (എച്ച്.ഡി.വി.)/ഡ്രൈവർ കം ഓഫീസ് അറ്റൻഡന്റ് (എച്ച്.ഡി.വി) (നേരിട്ട്, തസ്തികമാറ്റം മുഖേന, എൻ.സി.എ) (കാറ്റഗറി നമ്പർ 623/2024, 624/2024, 567/2024) തസ്തികകളിലേക്ക് 27, 28, ഏപ്രിൽ 6, 7 തീയതികളിൽ രാവിലെ 5.30 മുതൽ തിരുവനന്തപുരം ആനയറ കെ.എസ്.ആർ.ടി.സി. സ്വിഫ്റ്റ് ഗ്രൗണ്ടിൽ പ്രായോഗിക പരീക്ഷ നടത്തും.

സർട്ടിഫിക്കറ്റ് പരിശോധന

സംസ്ഥാന ജലഗതാഗത വകുപ്പിൽ ഫോർമാൻ (കാറ്റഗറി നമ്പർ 98/2025) തസ്തികയുടെ ചുരുക്കപട്ടികയിലുൾപ്പെട്ടവരിൽ സർട്ടിഫിക്കറ്റ് പരിശോധന പൂർത്തിയാക്കിയിട്ടില്ലാത്ത ഉദ്യോഗാർത്ഥികൾക്ക് 23 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.

കേരളത്തിലെ സർവകലാശാലകളിൽ പ്രൊഫഷണൽ അസിസ്റ്റന്റ് ഗ്രേഡ് 2 (ലൈബ്രറി) (കാറ്റഗറി നമ്പർ 274/2025) തസ്തികയിലേക്ക് 24 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.

തിരുവനന്തപുരം ജില്ലയിൽ സർവേ ആൻഡ് ലാൻഡ് റെക്കോർഡ്സ് വകുപ്പിൽ പ്ര‌‌സ്‌മാൻ (കാറ്റഗറി നമ്പർ 86/2024) തസ്തികയുടെ സാദ്ധ്യതാപട്ടികയിലുൾപ്പെട്ടവർക്ക് 26 ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും.

വകുപ്പുതല പരീക്ഷാ ടൈംടേബിൾ

ജനുവരി 2026 വിജ്ഞാപനപ്രകാരമുള്ള വകുപ്പുതല പരീക്ഷകളുടെ (ഒ.എം.ആർ / ഓൺലൈൻ/വിവരണാത്മക/പ്രാക്ടിക്കൽ പരീക്ഷകൾ) ടൈംടേബിൾ പി.എസ്.സി വെബ്‌സൈറ്റിൽ പ്രസിദ്ധീകരിച്ചു.