വോട്ടെടുപ്പ് ഇന്ന്

പോളിംഗ് രാവിലെ 7 മുതൽ വൈകിട്ട് 6 വരെ

വൈകിട്ട് 6ന് ക്യൂവിലുള്ളവർക്കും വോട്ട് ചെയ്യാം

നിയോജകമണ്ഡലങ്ങൾ: 140

വോട്ടർമാർ: 2,71,42,952

സ്ഥാനാർത്ഥികൾ: 883

വോട്ടെണ്ണൽ: മേയ് 4ന്

ബൂത്തുകൾ 30,495

ക്രിട്ടിക്കൽ ബൂത്തുകൾ 2040

സുരക്ഷാജീവനക്കാർ: 76000

പോളിംഗ് ഉദ്യോഗസ്ഥർ 1.46ലക്ഷം

പോളിംഗ് ബൂത്തിൽ

കുടിവെള്ളം, ഫാൻ

പോളിംഗ് സ്റ്റേഷനുകളിൽ 100 ശതമാനം വെബ് കാസ്റ്റിംഗ്. വോട്ടർമാർക്ക് വിശ്രമിക്കാൻ പന്തൽ, കുടിവെള്ളം, ഫാൻ, ക്യൂ ഒഴിവാക്കാൻ സംവിധാനം, വൃദ്ധർക്ക് കസേര. മൊബൈൽ ഫോൺ സൂക്ഷിക്കാൻ പ്രത്യേക സ്ഥലം. ഭിന്നശേഷി വോട്ടർമാർക്കും മുതിർന്ന പൗരന്മാർക്കും ബൂത്തുകളിൽ മുൻഗണന. ബൂത്തുകളിൽ റാമ്പുകളും വീൽചെയറുകളും. കാഴ്ച പരിമിതിയുള്ളവർക്ക് ബ്രെയിൽ ലിപി സൗകര്യമുള്ള ഇലക്ട്രോണിക് വോട്ടിംഗ് മെഷീനുകൾ, സഹായത്തിന് വോളന്റിയർമാർ, ആംഗ്യഭാഷാ സഹായം. ഭിന്നശേഷിക്കാർക്ക് യാത്രാസൗകര്യം.

വോട്ട് എവിടെ

എന്നറിയാൻ

തിരഞ്ഞെടുപ്പ് കമ്മിഷന്റെ https://electoralsearch.eci.gov.in/ എന്ന വെബ്സൈറ്റിൽ ഐഡി കാർഡിലെ 10 അക്ക എപിക് നമ്പർ നൽകണം. സംസ്ഥാനത്തിന്റെ സ്ഥാനത്ത് കേരളം തിരഞ്ഞെടുത്ത് ക്യാപ്ച കൂടി നൽകി സെർച്ച് ചെയ്താൽ ബൂത്ത് അറിയാം. കാർഡ് നമ്പർ അറിയില്ലെങ്കിൽ മൊബൈൽ ഫോൺനമ്പർ നൽകിയും വോട്ട് എവിടെയാണന്നറിയാം. ജില്ലയും മണ്ഡലവും പേരും വയസും നൽകിയും വോട്ട് എവിടെയാണെന്ന് വെബ്സൈറ്റിൽ അറിയാനാകും.

കന്നി വോട്ടിന് ഹൽവ

കന്നി വോട്ടർമാർക്ക് 'വോട്ട് സ്വീറ്റൻഡ് കേരള' എന്ന പേരിൽ തിരഞ്ഞെടുത്ത ബൂത്തിൽ ഹൽവ വിതരണമുണ്ട്. ഓരോ ഡി.ഇ.ഒ ഓഫീസിലും 200 ഹൽവ പാക്കറ്റുകൾ വീതം എത്തിച്ചിട്ടുണ്ട്. സംസ്ഥാനത്ത് 4,66,408 കന്നി വോട്ടർമാരുണ്ട്

വോട്ടെടുപ്പ് സമാധാനപരമായി പൂർത്തിയാക്കാൻ എല്ലാ രാഷ്ട്രീയപാർട്ടികളും ജനങ്ങളും സഹകരിക്കണം

- രത്തൻ ഖേൽക്കർ

മുഖ്യതിരഞ്ഞെടുപ്പ് ഓഫീസർ