വിഷുദിനത്തിൽ ഏറ്റവും ഭാഗ്യം കടാക്ഷിക്കാൻ പോകുന്നത് ഇക്കൂട്ടരെയാണ്, പണം വേണ്ടുവോളം കൈവരുന്ന ദിവസം

റാം സാഗർ തമ്പുരാൻ, ഫോൺ: 91+8301036352, വാട്സാപ്പ് : 91-9633721128, ഇ-മെയിൽ: samkhiyarathnam@gmail.com.

2026 ഏപ്രിൽ 15 1201 മേടം 2 ബുധനാഴ്ച . (വിഷു പുലരി) (22 നാഴിക 42 വിനാഴിക വരെ പൂരുരുട്ടാതി നക്ഷത്രം ശേഷം ഉത്തൃട്ടാതി നക്ഷത്രം)

(ത്രയോദശി തിഥി 40 നാഴിക 34 വിനാഴിക വരെ) (രാഹുകാലം 12 മണി മുതൽ 1.30 മണി വരെ)

അശ്വതി: ആരോഗ്യപരമായി നല്ല സമയം, സഹോദരഗുണം, ഐക്യത, മംഗളകർമ്മങ്ങൾക്ക് സാക്ഷിയാകും, പ്രതികൂല സാഹചര്യങ്ങളിൽ ആത്മവിശ്വാസത്തോട് കൂടി പ്രവർത്തിക്കുവാൻ സാധിക്കും, സ്വന്തം പ്രയത്നത്തിലൂടെ ഉയർച്ചയും പരോഗതിയും നേടിയെടുക്കും.

ഭരണി: അകന്നു നിന്ന ഭാര്യാ ഭർത്താക്കന്മാർ ഒന്നിച്ചു താമസിക്കാൻ സാദ്ധ്യത, ഇഷ്ടജനം വഴി നേട്ടമുണ്ടാകും, ഭാഗ്യപരീക്ഷണത്തിൽ വിജയം, പഠനത്തിൽ വിജയം, കർമ്മ മേഖലയിൽ പുതുമയാർന്ന ആശയങ്ങൾ അവതരിപ്പിക്കുന്നത്‌വഴി അംഗീകാരം ലഭിക്കും.

കാർത്തിക: കലാപരമായ കാര്യങ്ങൾക്കായി കൂടുതൽ സമയം ചെലവഴിക്കും, കുടുംബസ്വത്ത് ലഭിക്കും, ഗൃഹ നിർമ്മാണത്തിന് തുടക്കം കുറിക്കാൻ ഉദ്ദേശിക്കുന്നവർക്ക് അനുകൂല സമയം, മുൻകോപം കാരണം സുഹൃത്തുക്കളുമായി അഭിപ്രായ വ്യത്യാസമുണ്ടാകാതെ സൂക്ഷിക്കണം.

രോഹിണി: രോഗശാന്തിയും, സാമ്പത്തികമായി മേന്മയുമുള്ള സമയം, ഹോട്ടൽ രംഗത്ത് നിന്നും കൂടുതൽ വരുമാനം, പങ്കാളിക്ക് ജോലിയിൽ പ്രമോഷൻ ലഭിക്കുന്നതുവഴി മനഃസന്തോഷം വർദ്ധിക്കും, മേലധികാരികളിൽ നിന്നും സൗഹാർദ്ദപരമായ സമീപനം പ്രതീക്ഷിക്കാം.

മകയിരം: വിവാഹത്തിന് ഉണ്ടായിരുന്ന തടസ്സങ്ങൾ അകലും, സ്ത്രീകൾക്ക് തൊഴിൽ രംഗത്ത് നിന്നും അഭിമാനവും അംഗീകാരവും, ആഭരണങ്ങൾ കിട്ടും, അപ്രതീക്ഷിത ധനനേട്ടം, അസ്ഥി സംബന്ധമായ അസുഖങ്ങൾക്ക് നേരിയതോതിൽ ശമനം ലഭിക്കും.

തിരുവാതിര: ദുഷ്‌കരമായിരുന്നു എന്ന് കരുതിയിരുന്ന സംഗതികൾ സ്വന്തം കൗശലം കൊണ്ട് വരുതിയിലാക്കും, സമ്മാനാദികൾ ലഭിക്കും, ആഡംബര വസ്തുക്കളുടെ ശേഖരം വർദ്ധിപ്പിക്കും, ബുദ്ധി സാമർത്ഥ്യം കൊണ്ട് പല ആപത്തുകളിൽ നിന്നും രക്ഷപ്പെടും, ബന്ധുജനങ്ങളുമായി ഉണ്ടായിരുന്ന അഭിപ്രായ വ്യത്യാസങ്ങൾ മാറികിട്ടും.

പുണർതം: പങ്കാളിയെ തൊഴിൽ സംബന്ധമായി പിരിഞ്ഞിരിക്കേണ്ടി വരും, പണയത്തിലിരിക്കുന്ന ഉരുപ്പടികൾ നഷ്ടപ്പെടാതെ നോക്കണം, അന്യരുടെ ഇടപെടൽ മൂലം കുടുംബത്തിൽ അസ്വസ്ഥതകൾ ഉടലെടുക്കും, മറ്റുളളവരിൽ വിശ്വാസം അർപ്പിച്ച് ചെയ്യുന്ന കാര്യങ്ങളിൽ നഷ്ടം ഉണ്ടാകും.

പൂയം: അനാവശ്യമായ കലഹങ്ങൾ, തീരുമാനങ്ങളിൽ കർക്കശ നിലപാടെടുക്കും, വർദ്ധിച്ച ധനചിലവ്, ധനം സമ്പാദിക്കാൻ നന്നേ ബുദ്ധിമുട്ടും, കർമ്മരംഗത്ത് പ്രയാസങ്ങൾ നേരിടേണ്ടി വരും, യാത്രകൾ മുഖേന അധിക ചെലവുകളും ശാരീരിക ക്ലേശവും അനുഭവപ്പെടും.

ആയില്യം: സ്ഥാനമാറ്റം, താഴ്ത്തപ്പെടൽ എന്നിവ അനുഭവത്തിൽ വരും, സ്ത്രീകളെ വിശ്വസിക്കരുത്, പ്രതീക്ഷിച്ചിരുന്ന അംഗീകാരം കൈവിട്ടുപോയ അവസ്ഥ വരും, ആരോഗ്യപരമായും തൊഴിൽപരമായും ബുദ്ധിമുട്ടുകൾ അനുഭവപ്പെടും.

മകം: പൊതുവേദികളിൽ അപമാനിതനാവാൻ ഇടയുള്ളതിനാൽ സൂക്ഷിക്കണം, അഗ്നി, വാതകം, വൈദ്യുതി, വാഹനം, ആയുധം, മുതലായവ കൈകാര്യം ചെയ്യുന്നവർ വളരെയധികം ശ്രദ്ധിക്കണം, അന്യദേശത്ത് തൊഴിലിൽ കുഴപ്പങ്ങൾ, ശത്രുക്കളുടെ ഉപദ്രവം വർദ്ധിക്കും.

പൂരം: പണം കടം കൊടുക്കരുത്, മേലുദ്യോഗസ്ഥരുടെ നീരസം സമ്പാദിക്കും, ഗൃഹനിർമാണത്തിൽ പാകപ്പിഴവുകൾ ഉണ്ടാകാതെ ശ്രദ്ധിക്കണം, ഗവേഷണ വിദ്യാർത്ഥികൾക്ക് പഠനം പൂർത്തിയാക്കാൻ പലവിധ വിഷമതകൾ അനുഭവപ്പെടും.

ഉത്രം: ശാരീരികമായി ദുരിതമുണ്ടാകാതെ സൂക്ഷിക്കണം, രഹസ്യ പ്രവർത്തനങ്ങളിൽ നിന്നും വിട്ടു നിൽക്കണം, ഇഷ്ട ജനങ്ങൾ ശത്രുക്കളെപ്പോലെ പെരുമാറും, കുടുംബാംഗങ്ങൾക്കുണ്ടാകുന്ന രോഗങ്ങൾ മുഖേന സാമ്പത്തിക ക്ലേശം ഉണ്ടാകാൻ സാദ്ധ്യത.

അത്തം: ശത്രുതാ മനോഭാവത്തിലായിരുന്ന വ്യക്തികൾ സ്വാർത്ഥ താൽപര്യങ്ങൾ സാധിക്കുന്നതിനു വേണ്ടി ചങ്ങാത്തം കൂടും, ഉത്തമ വിവാഹം നടക്കാം, വ്യവഹാര വിജയം,വിശിഷ്ട ഭോജന സൗഖ്യം,കർമ്മ രംഗത്ത് സൽപേര് നിലനിർത്താൻ കഴിയും.

ചിത്തിര: മാതൃഗുണം ലഭിക്കും, പരുഷമായി സംസാരിച്ചു സ്വന്തം കാര്യം നേടും, തെറ്റിധാരണകൾ മാറിക്കിട്ടും.
ആരോഗ്യപരിപാലനത്തിൽ ശ്രദ്ധ ആവശ്യമാണ്, ശത്രുവിന്മേൽ വിജയം വരിക്കും, ആഡംബര ഭ്രമം കാരണം ധനം സമ്പാദിക്കാൻ സാധിക്കില്ല.

ചോതി: പ്രണയത്തിന് കുടുംബത്തിൽ നിന്നും അനുകൂലമായ നിലപാട്, ജോലി സ്ഥിരമാകും, പ്രശസ്‌തിയും വിജയവും, ശത്രു ഭയം മാറിക്കിട്ടും, കർമ്മ രംഗത്ത് നേട്ടങ്ങൾ കൈവരിക്കും, ആത്മീയ കാര്യങ്ങളിൽ താൽപ്പര്യം കൂടും, രോഗാവസ്ഥ കുറയ്ക്കാൻ സാധിക്കും.

വിശാഖം: സ്ത്രീകൾക്ക് അംഗീകാരം, ആത്മവിശ്വാസക്കൂടുതൽ അനുഭവപ്പെടും, അനുകൂലമായ സാഹചര്യങ്ങൾ, എല്ലാവരിൽ നിന്നും സഹായ സഹകരണങ്ങൾ, സ്ത്രീകൾ മൂലം സുഖവും സമാധാനവും വ്യക്തി ജീവിതത്തിൽ ഉണ്ടാകും.

അനിഴം: ഏറ്റെടുത്ത സംഗതികൾ ഉത്തരവാദിത്വത്തോടെ ചെയ്തു തീർക്കും, കുടുംബ കാര്യങ്ങളിൽ മുമ്പില്ലാത്ത കരുതൽ കാണിക്കും, ഈശ്വരാധീനം, തൊഴിലിൽ ഉയർച്ചയും പുത്തനുണർവും ഉണ്ടാകും, കലാനൈപുണ്യം, പ്രശസ്‌തി, ദാമ്പത്യ വിജയം.

കേട്ട: സ്വജീവിതത്തിൽ മംഗള കർമ്മങ്ങൾ നടക്കും, മനഃസന്തോഷം, എടുത്ത തീരുമാനങ്ങളിൽ ഉറച്ചു നിൽക്കും, രോഗശാന്തിയുണ്ടാകും, ധനനേട്ടം, സമ്മാനാദിലാഭം, തൊഴിൽമേഖലയിൽ മേന്മ, എതിർക്കുന്നവരെ കീഴ്‌പെടുത്തും.

മൂലം: അന്യദേശ വാസം ഗുണം ചെയ്യും, എല്ലാ രംഗങ്ങളിൽ നിന്നും സാമ്പത്തിക നേട്ടം, സ്ത്രീകൾ മുഖേനെ സന്തോഷം, കുടുംബത്തിൽ സ്വസ്ഥത, ശാരീരികവും മാനസികവുമായി ഉന്മേഷക്കൂടുതൽ, പല അപ്രതീക്ഷിത സംഭവങ്ങളും ജീവിതത്തിൽ വന്നുചേരും.

പൂരാടം: കുടുംബ ഭദ്രത കൈവരിക്കും, ജോലിയിൽ നിന്നും കൂടുതൽ വരുമാനം, കുടുംബത്തിൽ സമാധാനം കിട്ടത്തക്ക വണ്ണമുള്ള പ്രവൃത്തികൾ കാഴ്ചവയ്ക്കും, ധനനേട്ടമുണ്ടാകും, ആത്മധൈര്യം കൈവിടാതെ പ്രവർത്തിക്കുന്നതിനാൽ ആപത്ഘട്ടങ്ങളെ അതിജീവിക്കാൻ കഴിയും.

ഉത്രാടം: പൂർവ്വീക സ്വത്ത് ലഭിക്കാൻ സാദ്ധ്യതയുണ്ട്, വാഹന ക്രയവിക്രയങ്ങളിൽ ലാഭവും നേട്ടവും, ജോലിഭാരം കുറയും, മറ്റുള്ളവരുടെ സഹായത്താൽ കാര്യങ്ങൾ അനുകൂലമാക്കും, പിതാവിൽനിന്നും അനുകൂല നിലപാട്, മനഃസ്സുഖം അനുഭവത്തിൽ വരും, ദാമ്പത്യ ജീവിതം സന്തോഷപ്രദമായിരിക്കും.

തിരുവോണം: തൊഴിൽപരമായും ധനപരമായും ഉണ്ടായിരുന്ന ദോഷം മാറും, ആരാധനാലയങ്ങളിൽ ധാരാളം സമയം ചിലവഴിക്കും, മാദ്ധ്യമങ്ങളിൽ തിളങ്ങും, കേസ് രമ്യതയിലാകും, ജോലിക്കുള്ള അറിയിപ്പുകൾ കിട്ടും, മനസ്സമാധാനം ലഭിക്കും, ഉന്നത വ്യക്തികളുടെ സഹായത്താൽ വിജയം നേടും.

അവിട്ടം: മാതാപിതാക്കളുടെ ആവശ്യങ്ങൾ നിറവേറ്റാൻ ശ്രമിക്കും, പുണ്യദേവാലയങ്ങൾ സന്ദർശിക്കും, നിദ്രാ ഭംഗം, യശസ്സ്, കർമ്മ പുഷ്‌ടി എന്നിവ ഉണ്ടാകും, കുടുംബത്തിൽ മംഗള കർമ്മം നടക്കും, തൊഴിൽ രഹിതർക്ക് ജോലി ലഭിക്കാൻ നേരിട്ടിരുന്ന തടസങ്ങൾ മാറികിട്ടും.

ചതയം: മാദ്ധ്യമ പ്രവർത്തകർക്ക് ശോഭിക്കാൻ സാധിക്കും, മതപരമായ കാര്യത്തിൽ താത്പര്യം വർദ്ധിക്കും, പുതിയ കർമ്മ മേഖല തുടങ്ങുകയും വലിയ സ്ഥാപനമായി മാറുകയും ചെയ്യും, വിദേശ യാത്ര തരപ്പെടും, ശത്രുക്കളുടെയും അസൂയാലുക്കളുടെയും ശല്യം വർദ്ധിക്കും.

പൂരുരുട്ടാതി: ചതിയിൽ അകപ്പെടും, വൈദുതി, വാഹനം, വാതകം, ആയുധം, രാസപദാർത്ഥങ്ങൾ എന്നിവയിലൂടെ അപകടം വരാൻ സാദ്ധ്യത ഉള്ളതിനാൽ സൂക്ഷ്മതയോടെ പെരുമാറണം, ചെയ്തുപോയ കുറ്റങ്ങൾ ക്ഷമിക്കപ്പെടും.

ഉത്തൃട്ടാതി: പരുഷമായ വാക്കുകൾ ഉപയോഗിക്കുവാനുള്ള പ്രവണതയുണ്ടാകും, ആഗ്രഹിക്കുന്ന കാര്യങ്ങൾ പലതും നടപ്പിലാകില്ല, അകാരണമായ കലഹങ്ങൾ പല പ്രശ്നങ്ങൾക്കും ഇടയാക്കും, സന്താനങ്ങളുടെ വിദ്യാഭ്യാസത്തെക്കുറിച്ച് ഉത്കണ്ഠാകുലയാകും.

രേവതി: ബന്ധുക്കളുമായി ഉണ്ടായിരുന്ന അഭിപ്രായ വ്യത്യാസം വർദ്ധിക്കും, അപ്രതീക്ഷിതമായി അധികൃതരുടെ അപ്രീതിക്കു സാദ്ധ്യത, രോഗാദിക്ലേശങ്ങളും അനാവശ്യച്ചെലവുകളും ഉണ്ടാകും, ധനകാര്യസ്ഥാപനങ്ങളെ ആശ്രയിച്ച് നിൽക്കുന്നവർക്ക് കാര്യസാദ്ധ്യതകൾ മന്ദഗതിയിലാകും.