SignIn
Kerala Kaumudi Online
Tuesday, 31 March 2020 11.02 PM IST

മികച്ച തദ്ദേശസ്വയംഭരണ സ്ഥാപനങ്ങൾക്കുള്ള പുരസ്‌കാരം പ്രഖ്യാപിച്ചു തിരുവനന്തപുരം മികച്ച ജില്ലാ പഞ്ചായത്ത്

thiruvananthapuram-distri

തിരുവനന്തപുരം: മികച്ച പ്രവർത്തനത്തിന് സ്വരാജ് ട്രോഫിക്കും പ്രത്യേക ധനസഹായത്തിനും അർഹത നേടിയ തദ്ദേശസ്ഥാപനങ്ങളുടെ വിവരങ്ങൾ മന്ത്രി എ.സി.മൊയ്‌തീൻ വാർത്താസമ്മേളനത്തിൽ പ്രഖ്യാപിച്ചു. കണ്ണൂരിലെ പാപ്പിനിശ്ശേരി ഗ്രാമപഞ്ചായത്ത് മികച്ച ഗ്രാമപഞ്ചായത്തായും എറണാകുളത്തെ മുളന്തുരുത്തി രണ്ടാമതും ആലപ്പുഴയിലെ വീയപുരം മൂന്നാം സ്ഥാനവും നേടി. തിരുവനന്തപുരത്തെ നെടുമങ്ങാടാണ് മികച്ച ബ്ലോക്ക് പഞ്ചായത്ത്. തൃശൂരിലെ പഴയന്നൂരിന് രണ്ടും കോട്ടയത്തെ ളാലത്തിന് മൂന്നാം സ്ഥാനവും ലഭിച്ചു. മികച്ച ജില്ലാ പഞ്ചായത്തിനുള്ള പുരസ്‌കാരം തിരുവനന്തപുരം നേടി. കണ്ണൂരും കൊല്ലവും രണ്ടും മൂന്നും സ്ഥാനങ്ങൾ നേടി. സംസ്ഥാന തലത്തിൽ മൂന്നു വിഭാഗങ്ങളിലെയും ഒന്നാം സ്ഥാനം നേടുന്ന സ്ഥാപനത്തിന് 25 ലക്ഷം രൂപ പ്രത്യേക പദ്ധതി ധനസഹായവും സ്വരാജ് ട്രോഫിയും സാക്ഷ്യപത്രവുമാണ് പുരസ്‌കാരം. രണ്ടാം സ്ഥാനത്തിന് 20 ലക്ഷം രൂപയും മൂന്നാം സ്ഥാനത്തിന് 15 ലക്ഷം രൂപയും ലഭിക്കും. പുരസ്‌കാരം 18, 19ന് വയനാട് വൈത്തിരിയിൽ നടക്കുന്ന പഞ്ചായത്ത് ദിനാഘോഷത്തിൽ വിതരണം ചെയ്യും. തദ്ദേശസ്വയംഭരണ വകുപ്പ് പ്രിൻസിപ്പൽ സെക്രട്ടറി ശാരദാ മുരളീധരൻ, ഗ്രാമവികസന കമ്മിഷണർ പദ്മകുമാർ, പഞ്ചായത്ത് വകുപ്പ് അഡി. ഡയറക്ടർ അജിത്കുമാർ, കില ഡയറക്ടർ ഡോ. ജോയ് ഇളമൺ എന്നിവർ വാർത്താസമ്മേളനത്തിൽ പങ്കെടുത്തു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: THIRUVANANTHAPURAM DISTRICT PANCHAYAT
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.