SignIn
Kerala Kaumudi Online
Sunday, 25 July 2021 1.38 AM IST

ആരോപണങ്ങളിൽ ഉറച്ച് നടൻ നീരജിന്റെ മറുപടി

neeraj

കൊച്ചി: മലയാളസിനിമയിൽ വളർന്നു വരുന്നവരെ ഇല്ലാതാക്കുന്ന സംഘം ഉണ്ടെന്ന ആരോപണങ്ങൾ ആവർത്തിച്ച് യുവനടൻ നീരജ് മാധവ് അമ്മ സംഘടനയ്ക്ക് കത്ത് നൽകി.

നീരജിന്റെ ഫേസ്ബുക്ക് പോസ്റ്റിനെ തുടർന്ന് ഫെഫ്കയുടെ ആവശ്യപ്രകാരം അമ്മ വിശദീകരണം ചോദിച്ചതിന് മറുപടിയായാണ് കത്ത്. ആരോപണങ്ങളിൽ ഉറച്ചുനിൽക്കുന്നുവെന്നും ആരെയും വ്യക്തിപരമായി ആക്ഷേപിക്കാനല്ലെന്നും തന്റെ അറിവിലുള്ള കാര്യങ്ങൾ പങ്കുവയ്ക്കുകയാണെന്നും നീരജ് പറഞ്ഞു.

നീരജിന്റെ മറുപടി ലഭിച്ച ശേഷം ഫെഫ്ക,​ പ്രൊഡക്ഷൻ എക്സിക്യൂട്ടീവ്സ് യൂണിയന് കത്തയച്ചു. ആരെയും പേരെടുത്ത് പരാമർശിച്ചില്ലെങ്കിലും അനുഭവങ്ങളുണ്ടായെന്ന് ആവർത്തിച്ച സാഹചര്യത്തിൽ ആത്മവിമർശനപരമായി നോക്കികാണാൻ അംഗങ്ങളെ പ്രേരിപ്പിക്കണം. നടനോ നടിക്കോ സാങ്കേതിക പ്രവർത്തകനോ വിവേചനം നേരിടുന്ന സാഹചര്യം മലയാള സിനിമയിൽ ഉണ്ടാകരുത്. ഈ വിഷയത്തിൽ ക്രിയാത്മകമായ ഇടപെടൽ വേണമെന്നും ഫെഫ്ക യൂണിയനോട് ആവശ്യപ്പെട്ടു. ഇതേവിഷയം ചൂണ്ടിക്കാട്ടി സംവിധായകരുടെയും എഴുത്തുകാരുടെയും യൂണിയനുകൾക്ക് കത്ത് നൽകുമെന്നും ഫെഫ്ക ജനറൽ സെക്രട്ടറി ബി. ഉണ്ണികൃഷ്ണൻ അയച്ച കത്തിൽ പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEERAJ MADHV
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.