SignIn
Kerala Kaumudi Online
Sunday, 09 August 2020 11.18 PM IST

14,390 വിദ്യാർത്ഥികൾ ജില്ലയിൽ കീം പ്രവേശന പരീക്ഷയെഴുതും

കോഴിക്കോട് : എൻജിനീയറിംഗ്, ഫാർമസി കോഴ്‌സ് പ്രവേശനങ്ങൾക്കായി ഇന്ന് നടത്തുന്ന കീം പ്രവേശനപരീക്ഷ ജില്ലയിൽ 14,390 വിദ്യാർത്ഥികൾ എഴുതും . 37 സ്‌കൂളുകളിലാണ് പരീക്ഷ കേന്ദ്രങ്ങൾ സജ്ജീകരിച്ചത്. കൊവിഡ് മാനദണ്ഡങ്ങൾ പാലിച്ചാണ് പരീക്ഷ നടത്തുക. രാവിലെ പത്ത് മുതൽ ഉച്ചയ്ക്ക് 12.30 വരേയും, 2.30 മുതൽ വൈകീട്ട് അഞ്ച് മണി വരേയുമാണ് പരീക്ഷാ സമയം.

അഗ്‌നിരക്ഷാ സേന പരീക്ഷാ കേന്ദ്രങ്ങൾ അണുവിമുക്തമാക്കി. അഞ്ച് വീതം സന്നദ്ധപ്രവർത്തകർ ഓരോ സ്‌കൂളിലും ഉണ്ടായിരിക്കും. പരീക്ഷക്കെത്തുന്ന വിദ്യാർഥികളുടെ സാമൂഹിക അകലം, തെർമൽ സ്‌ക്രീനിംഗ് സാനിറ്റൈസേഷൻ എന്നിവയുടെ ചുമതല ഇവർക്കാണ്. ഹോട്ട്‌സ്‌പോട്ട്, കണ്ടെയ്ൻമെന്റ് സോൺ എന്നിവിടങ്ങളിലെ പരീക്ഷാ കേന്ദ്രങ്ങളിൽ കൊവിഡ് വ്യാപനം തടയാനുള്ള മുൻകരുതലുകളാണ് സ്വീകരിച്ചിട്ടുള്ളത്. ക്വാറന്റെയിനിലുള്ള വിദ്യാർത്ഥികൾക്കും തെർമൽ സ്‌ക്രീനിംഗിൽ ഉയർന്ന താപനിലയുള്ള വിദ്യാർഥികൾക്കുമായി ഓരോ സെന്ററുകളിലും പ്രത്യേകമായി രണ്ട് മുറികൾ സജ്ജീകരിച്ചിട്ടുണ്ട്. പ്രത്യേക മുറികളിൽ പരീക്ഷ എഴുതുന്ന വിദ്യാർത്ഥികൾ മറ്റു വിദ്യാർഥികളുമായി സമ്പർക്കത്തിൽ വരാതെ നോക്കും. ഒരു ക്ലാസ് മുറിയിൽ 20 പേരാണ് പരീക്ഷ എഴുതുന്നത്.
പരീക്ഷാ കേന്ദ്രങ്ങളിലെ തിരക്ക് ഒഴിവാക്കാൻ പൊലീസ് സംവിധാനം ഏർപ്പെടുത്തിയിട്ടുണ്ട്. ഫയർഫോഴ്‌സ്, ആരോഗ്യം, തദ്ദേശ സ്ഥാപനം എന്നീ വകുപ്പുകളുടെ സേവനം ലഭ്യമാണ്. പരീക്ഷാ കേന്ദ്രങ്ങളുടെ ചുമതല അതത് സ്‌കൂൾ ഹെഡ്മാസ്റ്ററായ ചീഫ് സൂപ്രണ്ടിനാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, KOZHIKODE
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.