SignIn
Kerala Kaumudi Online
Tuesday, 09 March 2021 1.09 AM IST

സംഭരണം നീളുന്നു; നെൽ കർഷകർക്ക് ദുരിത മഴ

paddy
പെരുമാട്ടിയിൽ മഴയെ തുടർന്ന് വെള്ളം കയറിയ പാടത്തെ നെല്ല് കൊയ്തെടുക്കുന്ന കർഷക തൊഴിലാളികൾ. ഫോട്ടോ- പി.എസ്.മനോജ്

പാലക്കാട്: ജില്ലയിൽ രണ്ടാഴ്ചയായി ശക്തമായ മഴ പെയ്യുന്ന പശ്ചാത്തലത്തിൽ ഒന്നാംവിള കൊയ്ത്ത് താളം തെറ്റുന്നതിനിടെ നെല്ല് സംഭരണവും വൈകുന്നത് കർഷകരെ ദുരിതക്കയത്തിലാഴ്ത്തി. സംഭരണം അടുത്ത മാസം ആദ്യം തുടങ്ങുമെന്നാണ് സപ്ലൈകോ അധികൃതർ പറയുന്നത്.

നിലവിൽ പുതുശേരി പാഡികോയും കോട്ടയത്തെ ഓയിൽ പാമും രണ്ട് സ്വകാര്യ മില്ലുകളാണ് സംഭരണത്തിന് തയ്യാറായിട്ടുള്ളത്. അമ്പതോളം സ്വകാര്യ മില്ലുകളാണ് ജില്ലയിൽ നിന്ന് നെല്ലെടുക്കുന്നത്. ജില്ലയിലെ മിക്കയിടങ്ങളിലും കൊയ്ത്ത് സജീവമായ സാഹചര്യത്തിൽ നിലവിലെ രണ്ട് മില്ലുകൾക്ക് മാത്രമായി നെല്ല് സംഭരിക്കാനാകില്ല.

മഴ കാരണം മിക്ക കർഷകർക്കും കൊയ്‌തെടുത്ത നെല്ല് സൂക്ഷിക്കുന്നതിനോ ഉണക്കാനോ സൗകര്യമില്ലാതെ ബുദ്ധിമുട്ടിലാണ്. കൊയ്ത്ത് യന്ത്രത്തിന്റെ ലഭ്യതക്കുറവും മഴയും കാരണം വീണുകിടക്കുന്ന നെൽച്ചെടികൾ പോലും കൊയ്തെടുക്കാനാവാത്ത അവസ്ഥയാണ്.

നനഞ്ഞ നെല്ല് നശിക്കുമോയെന്ന ആശങ്കയിലാണ് കർഷകർ. ഈ സാഹചര്യം തുടർന്നാൽ കിട്ടിയ വിലയ്ക്ക് കർഷകർക്ക് നെല്ല് സ്വകാര്യ മില്ലുകൾക്ക് വിൽക്കേണ്ടി വരും.

അയൽ സംസ്ഥാനങ്ങളിലെ മില്ലുകളെയും പരിഗണിക്കണം

നെല്ല് സംഭരണത്തിൽ നിന്ന് കേരളത്തിലെ മില്ലുകാർ പിൻവാങ്ങിയ സാഹചര്യത്തിൽ അയൽ സംസ്ഥാനങ്ങളിലെ മില്ലുകാരെയും കേരളത്തിലെ സഹകരണ ബാങ്കുകളെയും പരിഗണിക്കണമെന്ന് ദേശീയ കർഷക സമാജം ജില്ലാ എക്സിക്യൂട്ടീവ് യോഗം ആവശ്യപ്പെട്ടു.

മഴ കനത്തതോടെ കൊയ്‌തെടുത്ത നെല്ല് സൂക്ഷിക്കാനാവാതെ കർഷകർ പ്രതിസന്ധിയിലാണ്. കൊയ്ത്ത് ആരംഭിക്കുന്നതിന് മുമ്പുതന്നെ സംഭരണം സംബന്ധിച്ച കാര്യങ്ങൾ തീരുമാനിക്കാൻ ഇനിയെങ്കിലും അധികൃതർ തയ്യാറാവണം. ജില്ലാ പ്രസിഡന്റ് കെ.എ.പ്രഭാകരൻ അദ്ധ്യക്ഷനായി. ജന.സെക്രട്ടറി മുതലാംതോട് മണി, വി.വിജയരാഘവൻ, ദേവൻ, കെ.എ.രാമകൃഷ്ണൻ, എസ്.അതിരഥൻ സംസാരിച്ചു.

രജിസ്റ്റർ ചെയ്തത് 8300 പേർ

  • ഒന്നാംവിള രജിസ്‌ട്രേഷൻ നടപടി പുരോഗമിക്കുകയാണ്.
  • 8300 കർഷകരാണ് ഇതുവരെ രജിസ്റ്റർ ചെയ്തത്.
  • പുതിയ അപേക്ഷ 500ൽ താഴെയാണ്.
  • കഴിഞ്ഞ ഒന്നാംവിളയ്ക്ക് 50,200 കർഷകരാണ് രജിസ്റ്റർ ചെയ്തത്.
  • ഇവർക്ക് ഇത്തവണ രജിസ്റ്റർ ചെയ്യാതെ സപ്ലൈകോ വഴി നെല്ല് കൊടുക്കാം.
JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, PALAKKAD
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.