SignIn
Kerala Kaumudi Online
Friday, 22 October 2021 3.04 AM IST

കൊവിഡ് നിയന്ത്രണം വീണ്ടും : കടകൾ 9 വരെ, സദ്യയില്ല ,പായ്ക്കറ്റ് ഫുഡ് മാത്രം, ഹോട്ടലുകളിൽ ഒരു സമയം 50% പേർ

covid

 അടച്ചിട്ട മുറിയിലെ പരിപാടിക്ക് 100 പേർ

തുറസായ സ്ഥലത്തെങ്കിൽ 200

തിരുവനന്തപുരം :കൊവിഡ് വ്യാപനം രൂക്ഷമായതോടെ, സംസ്ഥാനത്ത് നിയന്ത്രണങ്ങൾ വീണ്ടും കർശനമാക്കി. കടകളും ഹോട്ടലുകളും രാത്രി 9 മണി വരെ മാത്രമേ പ്രവർത്തിക്കാവൂ. ഹോട്ടലുകളിൽ 50 ശതമാനം പേർക്കാണ് ഒരുസമയം ഇരുന്ന് കഴിക്കാൻ അനുമതി. വിവാഹമുൾപ്പെടെയുള്ള ചടങ്ങുകൾക്ക് സദ്യ വിളമ്പാൻ പാടില്ല. പകരം, പായ്ക്കറ്റ് ഫുഡ് നൽകാം. എല്ലാ പൊതുപരിപാടികളും പരമാവധി രണ്ട് മണിക്കൂറിനുള്ളിൽ അവസാനിപ്പിക്കണം. അടച്ചിട്ട മുറിക്കുള്ളിൽ 100 പേർക്കും, തുറസായ സ്ഥലത്തെ പരിപാടിയിൽ 200 പേർക്കുമാണ് പങ്കെടുക്കാൻ അനുമതി. ഷോപ്പിംഗ് മേളകളും പാടില്ല. വാർഡ് തലത്തിൽ നിരീക്ഷണം കർശനമാക്കും. ഇന്നലെ ചീഫ് സെക്രട്ടറിയുടെ അദ്ധ്യക്ഷതയിൽ ചേർന്ന ഉന്നതതല യോഗമാണ് നിയന്ത്രണങ്ങൾ സംബന്ധിച്ച തീരുമാനമെടുത്തത്. വിശദമായ ഉത്തരവ് ഉടൻ പുറത്തിറക്കും.

അതേസമയം, രോഗികളുടെ വിവരശേഖരണം ഊർജ്ജിതമാക്കാൻ ഇന്നലെ രാവിലെ ചേർന്ന ആരോഗ്യവകുപ്പിന്റെ റാപ്പിഡ് റെസ്‌പോൺസ് ടീം യോഗം തീരുമാനിച്ചു. ആർ.ടി.പി.സി.ആർ പരിശോധന വ്യാപകമാക്കാനും ക്വാറന്റൈൻ നിരീക്ഷണം കർശനമാക്കാനും നിർദേശം നൽകി. ഇടക്കാലത്ത് വിവരശേഖരണവും ക്വാറന്റൈൻ പ്രവർത്തനങ്ങളും കാര്യക്ഷമമായിരുന്നില്ല.

വാക്‌സിനേഷനും മറ്റു പ്രവർത്തനങ്ങളും ഒരുമിച്ച് നടത്തേണ്ടതിനാൽ കൂടുതൽ ആരോഗ്യപ്രവർത്തകരെ നിയോഗിക്കണമെന്ന് യോഗത്തിൽ ഡി.എം.ഒമാർ ആവശ്യപ്പെട്ടു.

അതിനിടെ, നിരീക്ഷണ കേന്ദ്രങ്ങൾ ഏത് സമയവും തുറക്കേണ്ടി വരാമെന്നതിനാൽ, അതിനാവശ്യമായ മുൻകരുതലുകൾ സ്വീകരിക്കണമെന്ന് തദ്ദേശവകുപ്പ് പ്രിൻസിപ്പൽ സെക്രട്ടറി ശരദാമുരളീധരൻ ഇന്നലെ വിളിച്ച യോഗം തദ്ദേശസ്ഥാപനങ്ങൾക്ക് ജാഗ്രതാ നിർദേശം നൽകി.

ടെസ്റ്റ് പോസിറ്റിവിറ്റി 12% കവിഞ്ഞു

ഇന്നലെ സംസ്ഥാനത്ത് രോഗവ്യാപന നിരക്ക് 12ശതമാനം കവിഞ്ഞു. 5692 പേർക്കാണ് രോഗം സ്ഥിരീകരിച്ചത്. 24 മണിക്കൂറിനിടെ 45,417 സാമ്പിളുകളാണ് പരിശോധിച്ചത്. യു.കെയിൽ നിന്ന് വന്ന ഒരാൾക്കും ഇന്നലെ രോഗം സ്ഥിരീകരിച്ചു. 23 ആരോഗ്യ പ്രവർത്തകർക്കാണ് രോഗം ബാധിച്ചത്. 11 മരണങ്ങളും റിപ്പോർട്ട് ചെയ്തു. ചികിത്സയിലായിരുന്ന 2474 പേർ രോഗമുക്തരായി.

ആകെ രോഗികൾ -11,72,882

ചികിത്സയിലുള്ളവർ -47,596

രോഗമുക്തർ -11,20,174

ആകെ മരണം -4794

അ​ന്ത​ർ​ ​സം​സ്ഥാ​ന​ ​ട്രെ​യി​ൻ​ ​യാ​ത്ര​:​ ​കൊ​വി​ഡ് ​സ​ർ​ട്ടി​ഫി​ക്ക​റ്റ് ​നി​ർ​ബ​ന്ധം

തി​രു​വ​ന​ന്ത​പു​രം​:​ ​കൊ​വി​ഡ് ​വ്യാ​പ​നം​ ​ശ​ക്ത​മാ​യ​ ​സാ​ഹ​ച​ര്യ​ത്തി​ൽ​ ​അ​ന്ത​ർ​ ​സം​സ്ഥാ​ന​ ​ട്രെ​യി​ൻ​ ​യാ​ത്ര​യ്ക്ക് ​കൊ​വി​ഡ് ​നെ​ഗ​റ്റീ​വ് ​സ​ർ​ട്ടി​ഫി​ക്ക​റ്റും​ ​ഇ​ ​പാ​സ്,​ ​ഇ​ ​ര​ജി​സ്ട്രേ​ഷ​ൻ​ ​സം​വി​ധാ​ന​ങ്ങ​ളും​ ​നി​ർ​ബ​ന്ധ​മാ​ക്കി​യ​താ​യി​ ​ദ​ക്ഷി​ണ​ ​റെ​യി​ൽ​വേ​ ​അ​റി​യി​ച്ചു.​ ​കേ​ന്ദ്ര​ ​ആ​ഭ്യ​ന്ത​ര,​​​ ​ആ​രോ​ഗ്യ​ ​മ​ന്ത്രാ​ല​യ​ങ്ങ​ളു​ടെ​ ​നി​ർ​ദ്ദേ​ശ​ത്തെ​ ​തു​ട​ർ​ന്നാ​ണി​ത്.​ ​ട്രെ​യി​നു​ക​ളി​ൽ​ ​ശ​ക്ത​മാ​യ​ ​സു​ര​ക്ഷാ​ ​പ​രി​ശോ​ധ​ന​യു​ണ്ടാ​കും.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: COVID
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.