തിരുവനന്തപുരം: എസ്.എസ്.എൽ.സി പരീക്ഷയിൽ പട്ടികജാതി വിഭാഗത്തിൽ 98.71 ശതമാനം പേർ ഉപരിപഠനത്തിന് യോഗ്യത നേടി. പട്ടികവർഗ വിഭാഗത്തിൽ നിന്ന് 95.68 ശതമാനമാണ് വിജയം സ്വന്തമാക്കിയത്. പട്ടികജാതി വിഭാഗത്തിൽ 40,483 പേർ പരീക്ഷ എഴുതിയതിൽ 39,962 പേരാണ് വിജയിച്ചത്. 5,015 പേർക്ക് എല്ലാ വിഭാഗത്തിലും എ പ്ലസും ലഭിച്ചു.
പട്ടികവർഗ വിഭാഗത്തിൽ പരീക്ഷയെഴുതിയ 7,964 വിദ്യാർത്ഥികളിൽ 7620 പേരാണ് വിജയം നേടിയത്. 470 വിദ്യാർത്ഥികൾ എല്ലാ വിഷയത്തിനും എ പ്ലസ് സ്വന്തമാക്കി. ഒ.ബി.സി വിഭാഗത്തിൽ 2,90,803 പേർ പരീക്ഷ എഴുതിയതിൽ 2,89,610 പേർ ഉപരിപഠനയോഗ്യത നേടി. വിജയശതമാനം 99.59 ശതമാനം. ഒ.ഇ.സി വിഭാഗത്തിൽ പരീക്ഷ എഴുതിയ 10,329 വിദ്യാർത്ഥികളിൽ 10286 പേരും ഉപരിപഠന യോഗ്യത നേടി. വിജയശതമാനം 99.58.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |