തിരുവനന്തപുരം: രാജ്യത്തെ ഇന്ധന വില വർദ്ധനവിനെതിരെ യൂത്ത് കോൺഗ്രസ് നടത്തിയ സെെക്കിൾ റാലിക്കെതിരെ പരിഹാസം. റാലിയിൽ പങ്കെടുത്ത ഷാഫി പറമ്പിൽ എം.എൽ.എ 'ഞാനപ്പഴേ പറഞ്ഞതാ പദയാത്ര മതിയെന്ന്' എന്ന് പ്രവർത്തകരോട് പറയുന്ന വീഡിയോ സോഷ്യൽ മീഡിയയിൽ പ്രചരിച്ചതോടെ പരിപാടിക്കെതിരെ വിമർശനവും പരിഹാസവുമായി നിരവധിപേർ രംഗത്തെത്തുകയായിരുന്നു.
റാലി നടക്കുന്നതിനിടെയാണ് ഷാഫി ഇക്കാര്യം സഹപ്രവർത്തകകരോട് പറയുന്നത്. എന്നാൽ, ഈ സമയം ലെെവ് പോകുകയാണെന്ന് കൂടെയുളളവർ ഓർമിപ്പിക്കുകയും അദ്ദേഹം ഡിലീറ്റ് ചെയ്യാൻ പറയുന്നതും വീഡിയോയിൽ കാണാവുന്നതാണ്. ഈ വീഡിയോയാണ് ട്രോളുകളായി ഇടത് അനുകൂല പേജുകളിലടക്കം വ്യാപകമായി പ്രചരിക്കുന്നത്. യൂത്ത് കോൺഗ്രസിന്റെ ഈ പരിപാടി വോട്ടിന് വേണ്ടിയുളള പ്രഹസനമാണെന്നതടക്കമുളള വിമർശനങ്ങൾ ഇതിനോടകം ഉയർന്നുകഴിഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |