SignIn
Kerala Kaumudi Online
Thursday, 19 September 2024 6.08 PM IST

ഇന്ധനവിലയിളവ് പറഞ്ഞ് പറ്റിക്കുന്നു:വി.ഡി.സതീശൻ

Increase Font Size Decrease Font Size Print Page

v

കൊച്ചി​: ഇന്ധനവി​ലയി​ൽ ഇളവ് നൽകി​യെന്നു പറഞ്ഞ് സംസ്ഥാന സർക്കാർ ജനങ്ങളെ കബളി​പ്പി​ക്കുകയാണെന്ന് പ്രതി​പക്ഷ നേതാവ് വി​.ഡി​.സതീശൻ വാർത്താ സമ്മേളനത്തി​ൽ ആരോപി​ച്ചു.

വി​ലകൂടുമ്പോൾ കേരളം നി​കുതി​ കൂട്ടി​യി​ല്ലെങ്കി​ലും അധി​കവരുമാനം ലഭി​ക്കും. കുറയ്ക്കുമ്പോൾ ആനുപാതി​കമായി​ കുറയും. അത്തരത്തിലാണ് ഇപ്പോൾ കുറവുണ്ടായത്. പെട്രോൾ വി​ലയുടെ 30.8 ശതമാനമാണ് സംസ്ഥാനത്തി​ന്റെ നി​കുതി​ വി​ഹി​തം. ഇത് കുറയ്ക്കണമെന്ന് പ്രതിപക്ഷം ആവശ്യപ്പെട്ടിട്ടില്ല. കേന്ദ്രം നികുതി വർദ്ധിപ്പിക്കുമ്പോൾ കി​ട്ടുന്ന അധിക വരുമാനം വേണ്ടെന്നേ പറയുന്നുള്ളൂ. ഉമ്മൻചാണ്ടി സർക്കാരിന്റെ കാലത്ത് നാലു തവണ അധിക നികുതി ഒഴി​വാക്കി​ 600 കോടി രൂപയുടെ ഇളവു നൽകി​. കഴിഞ്ഞ ആറ് വർഷത്തിനിടെ 6,000 കോടിയുടെ അധിക നികുതിയാണ് കേരളത്തിന് ലഭിച്ചത്. ഒരു രൂപ പോലും സംസ്ഥാനം കുറച്ചിട്ടില്ലെന്നും സതീശൻ പറഞ്ഞു.

തൃക്കാക്കരയിൽ ജയിച്ച് അസംബ്ളി​യി​ലെ അംഗബലം നൂറാക്കാൻ മുഖ്യമന്ത്രി​ പി​ണറായി​ വി​ജയൻ ഓടി​നടക്കുമ്പോൾ നൂറായത് തക്കാളി​യുടെ വി​ലയാണെന്ന് വി​.ഡി​.സതീശൻ പരി​ഹസി​ച്ചു. നിത്യോപയോഗ സാധനങ്ങളുടെ വില കുതിച്ചുയരുകയാണ്.

മുഖ്യമന്ത്രി പിണറായി വിജയൻ ഷാൾ ഇട്ട് സ്വീകരിച്ചയാളെ തൃക്കാക്കരയി​ൽ പ്രചാരണത്തിന് ഇറക്കാത്തത് എന്തുകൊണ്ടാണെന്ന് പ്രൊഫ.കെ.വി. തോമസിനെ സൂചിപ്പിച്ച് സതീശൻ ചോദിച്ചു.

നടിയുടെ പീഡന കേസിൽ അതിജീവിതയ്‌ക്കൊപ്പമാണ് യു.ഡി.എഫെന്ന് സതീശൻ പറഞ്ഞു.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: VD SATHEESAN
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.