SignIn
Kerala Kaumudi Online
Sunday, 06 July 2025 8.20 PM IST

അൽപം മൂത്രം മതി, വെള്ളമടിച്ച് പിടിച്ചാൽ പരിശോധനയ‌്ക്കായി പൊലീസ് ഇനി നേരെ ആശുപത്രിയിൽ കൊണ്ടുപോകില്ല

Increase Font Size Decrease Font Size Print Page
kerala-police

കോലഞ്ചേരി: 'ലഹരിമരുന്നടിക്കാരെ' കെണി​യി​ലാക്കാൻ ഡ്രഗ് സ്‌ക്രീൻ ടെസ്​റ്റ് ഉപകരണങ്ങൾ പൊലീസ് സ്റ്റേഷനുകളിലെത്തി. മൂന്നു തുള്ളി​ മൂത്രം ടെസ്റ്റ് കി​റ്റി​ന്റെ പാഡി​ൽ ഇറ്റി​ച്ചാൽ അഞ്ച് മി​നി​റ്റി​നുള്ളി​ൽ ഫലമറി​യാം. 24 മണി​ക്കൂറി​നുള്ളി​ൽ എം.ഡി.എം.എ, കഞ്ചാവ് തുടങ്ങി 17 തരം ലഹരി മരുന്നുകൾ ഉപയോഗിച്ചിട്ടുള്ളവർ കുടുങ്ങും.

ചൈനയി​ലെ അബോൺ ബയോഫാം കമ്പനിയുടേതാണ് ടെസ്റ്റിംഗ് കി​റ്റ്. റൂറൽ ജില്ലയിലെ സ്റ്റേഷനുകളിൽ പരീക്ഷണാടിസ്ഥാനത്തിൽ രണ്ട് ടെസ്​റ്റ് ഡിവൈസ് വീതം നൽകി​യി​ട്ടുണ്ട്. മദ്യത്തിനുപകരം വീര്യമുള്ള മ​റ്റു ലഹരി മരുന്നുകൾ ഉപയോഗിച്ചാൽ കുടുങ്ങില്ലെന്ന ധാരണ ഇതോടെ പൊളിയും. മദ്യഇതര ലഹരി മരുന്നുകളുടെ വരവും ഉപയോഗവും വർദ്ധിച്ചതോടെയാണ് പൊലീസിന്റെ പുതിയ നീക്കം.

ഡ്രഗ് സ്‌ക്രീൻ ടെസ്​റ്റ് പോസി​റ്റീവായാൽ പ്രതി​ക്കെതി​രെ കേസെടുക്കം. ആശുപത്രി​യി​ൽ മെഡി​ക്കൽ പരി​ശോധനയും രക്ത, മൂത്ര പരി​ശോധനയും നടത്തും. ഈ രേഖകളാണ് തെളി​വായി​ ഹാജരാക്കുക. ഡ്രഗ് സ്‌ക്രീൻ ടെസ്​റ്റ് ഹാജരാക്കി​ല്ല.

പൊലീസിന്റെ നടപടി​ക്രമങ്ങൾ അനായാസമാക്കുന്നതിനാണ് കി​റ്റ് ഉപയോഗി​ക്കുക. സ്റ്റേഷനി​ൽ പ്രതി​കളെ കൊണ്ടുവന്ന് കി​റ്റ് ഉപയോഗിച്ച് പരി​ശോധി​ച്ച് ഉറപ്പാക്കി​യശേഷം മെഡി​ക്കൽ പരി​ശോധനയ്ക്ക് വിധേയമാക്കിയാൽ മതിയാകും.

TAGS: DRUNKEN TEST, KERALA POLICE, TESTING KIT
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.