ഇന്ന് മുതൽ രണ്ട് ട്രെയിനുകൾക്ക് സമയമാറ്റം

തിരുവനന്തപുരം: എറണാകുളം -ഗുരുവായൂർ പാസഞ്ചർ എക്സ്പ്രസ്,എേറണാകുളം -കൊല്ലം മെമു എന്നിവയുടെ സമയത്തിൽ ഇന്നുമുതൽ മാറ്റമുണ്ടാകും.രാത്രി 7.50ന് എറണാകുളത്തുനിന്ന് പുറപ്പെട്ടിരുന്ന ഗുരുവായൂർ പാസഞ്ചർ 10മിനിറ്റ് മുമ്പേ പുറപ്പെടും.രാത്രി 10.30ന് പകരം 10.20ന് ഗുരുവായൂരിൽ എത്തും.

എറണാകുളത്തുനിന്നുള്ള കൊല്ലം മെമു അഞ്ച് മിനിറ്റ് വൈകിയായിരിക്കും പുറപ്പെടുക.എറണാകുളത്തുനിന്ന് 6ന് പകരം 6.05ന് പുറപ്പെടും.എല്ലാ സ്റ്റേഷനുകളിലും അഞ്ച് മിനിറ്റ് വൈകിയാണെത്തുക.എന്നാൽ കൊല്ലത്ത് പതിവ് പോലെ പത്തിന് തന്നെ എത്തും.