SignIn
Kerala Kaumudi Online
Thursday, 19 September 2024 1.07 AM IST

ഗുരുദേവന്റേത് പ്രായോഗിക സമീപനം: ശ്രീധരൻ പിള്ള

Increase Font Size Decrease Font Size Print Page
goa

നെയ്യാറ്റിൻകര: കാഴ്ചപ്പാടുകളോടുള്ള പ്രായോഗിക സമീപനമാണ് ശ്രീനാരായണ ഗുരുദേവനെ മറ്റ് ആത്മീയ നേതാക്കളിൽ നിന്ന് വ്യത്യസ്തനാക്കുന്നതെന്ന് ഗോവ ഗവർണർ പി.എസ്. ശ്രീധരൻപിള്ള പറഞ്ഞു. അരുവിപ്പുറം പ്രതിഷ്ഠാ വാർഷികത്തിന്റെയും മഹാശിവരാത്രി ആഘോഷങ്ങളുടെയും ഭാഗമായി സംഘടിപ്പിച്ച പ്രതിഷ്ഠാ സന്ദേശ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

ഗുരുദേവന്റെ നവോത്ഥാന സന്ദേശങ്ങൾ പുതുതലമുറയ്ക്ക് പകരാൻ അധികൃതർക്കായിട്ടുണ്ടോയെന്ന് സ്വയം പരിശോധിക്കണം. ഗുരുദേവന്റെ രചനകൾ ലോകത്തിന് മുന്നിൽ പരിചയപ്പെടുത്തണം. നവോത്ഥാന നായകർ സമൂഹത്തിന് നൽകിയ സംഭാവനകൾ പുതുതലമുറ പഠിക്കേണ്ടത് അത്യാവശ്യമാണെന്നും ശ്രീധരൻപിള്ള പറഞ്ഞു.

മന്ത്രി ജെ. ചിഞ്ചുറാണി അദ്ധ്യക്ഷത വഹിച്ചു. ശ്രീനാരായണ ധർമ്മസംഘം ട്രസ്റ്റ് ട്രഷറർ സ്വാമി ശാരദാനന്ദ അനുഗ്രഹ പ്രഭാഷണം നടത്തി. എം.എൽ.എമാരായ സി.കെ.ഹരീന്ദ്രൻ, വി.കെ.പ്രശാന്ത്, ദൂരദർശൻ കേന്ദ്രം ഡെപ്യൂട്ടി ഡയറക്ടർ അജയ് ജോയ് എന്നിവർ പങ്കെടുത്തു. അരുവിപ്പുറം മഠം സെക്രട്ടറി സ്വാമി സാന്ദ്രാനന്ദ സ്വാഗതവും സ്വാമി ശിവനാരായണ തീർത്ഥ കൃതജ്ഞതയും പറഞ്ഞു.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: GURUDEVAN
KERALA KAUMUDI EPAPER
Kaumudi Salt & Pepper
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.