എസ്.എൻ വനിതാകോളേജിൽ ദ്വിദിന ദേശീയ സെമിനാർ

കൊല്ല: ശ്രീനാരായണ വനിതാകോളേജിൽ സമകാലിക സാഹിത്യം താരതമ്യ വീക്ഷണം എന്ന വിഷയത്തിൽ 24, 25 തീയതികളിൽ ദ്വിദിന ദേശീയ സെമിനാർ നടക്കും. കോളേജിലെ ഹിന്ദി വിഭാഗം,​ സംസ്ഥാന ഉന്നത വിദ്യാഭ്യാസ കൗൺസിൽ,​ കേരള സർവകലാശാല ഹിന്ദി വിഭാഗം,​ ഐ.ക്യു.എ.സി എന്നിവ സംയുക്തമായിട്ടാണ് സെമിനാർ സംഘടിപ്പിച്ചിരിക്കുന്നത്.

എൻ.കെ.പ്രേമചന്ദ്രൻ എം.പി സെമിനാർ ഉദ്ഘാടനം ചെയ്യും. ഹിന്ദിയിലെ പ്രമുഖ നിരൂപകനും എഴുത്തുകാരനുമായ ഡോ.വിജയ ബഹാദൂർ സിംഗ് മുഖ്യപ്രഭാഷണം നടത്തും. വിവിധ സർവകലാശാലകളിലെയും കോളേജുകളിലെയും അദ്ധ്യാപകരും ഗവേഷക വിദ്യാർത്ഥികളും പ്രബന്ധങ്ങൾ അവതരിപ്പിക്കും.