കാർഷിക സർവകലാശാലയിലെ അതിക്രമം: നടപടിയെടുക്കണമെന്ന് മന്ത്രി

തൃശൂർ: മണ്ണുത്തി കാർഷിക സർവകലാശാല കാമ്പസിൽ ഇക്കഴിഞ്ഞ ദിവസം രാത്രിയിൽ അതിക്രമിച്ച് കയറി വിദ്യാർത്ഥിനികളെ ഉൾപ്പെടെ ഭീഷണിപ്പെടുത്തിയവർക്കെതിരെ ഉടൻ നടപടി സ്വീകരിക്കണമെന്ന് കൃഷിമന്ത്രി പി.പ്രസാദ് കേരള പൊലീസ് ഡയറക്ടർ ജനറലിന് നിർദ്ദേശം നൽകി. 24ന് രാത്രിയിലാണ് അക്രമികൾ കാമ്പസിൽ അതിക്രമിച്ച് കയറിയത്. വിദ്യാർത്ഥിനികൾ ഉൾപ്പെടെയുള്ളവരെ അസഭ്യം പറയുകയും ജീവന് ഹാനി ഉണ്ടാക്കുന്ന രീതിയിൽ ആക്രമിക്കുകയും ചെയ്തത് കാമ്പസിലാകെ പരിഭ്രാന്തി പരത്തിയിട്ടുണ്ട്. അക്രമികൾക്ക് മാതൃകാപരമായ ശിക്ഷ നടപ്പാക്കണമെന്ന് മന്ത്രി നിർദ്ദേശിച്ചു.