ജയസൂര്യയെ നായകനാക്കി റോജിൻ തോമസ് സംവിധാനം ചെയ്യുന്ന ബ്രഹ്മാണ്ഡ ചിത്രം കത്തനാറിന്റെ ചിത്രീകരണം നാളെ ആരംഭിക്കും. ഏപ്രിൽ 24ന് ജയസൂര്യ ജോയിൻ ചെയ്യും.നാലു ഷെഡ്യൂളുകളിലായി 170 ദിവസത്തെ ചിത്രീകരണമാണ് പ്ളാൻ ചെയ്യുന്നത്. മലയാളം, തമിഴ്, തെലുങ്ക്, കന്നട, ഹിന്ദി ഭാഷകളിൽനിന്നുള്ള താരങ്ങൾ അഭിനയിക്കുന്നുണ്ട്. ഏഴു ഭാഷകളിൽ ബിഗ് ബഡ്ജറ്രിൽ ഒരുങ്ങുന്ന കത്തനാർ ശ്രീ ഗോകുലം മുവീസിന്റെ ബാനറിൽ ഗോകുലം ഗോപാലൻ ആണ് നിർമ്മാണം. മലയാള സിനിമയുടെ ചരിത്രത്തിൽ ഏറ്റവും മുതൽ മുടക്കുള്ള ചിത്രമായിരിക്കും. ചരിത്രത്തിന്റെ താളുകളിൽ ഏറെ സ്ഥാനം പിടിച്ചിട്ടുള്ള ഫാന്റസി കഥയാണ് കടമറ്റത്തു കത്തനാർ .കത്തനാറുടെ ബാല്യം മുതലുള്ള ജീവിതം ചിത്രം പറയുന്നുണ്ട്. ആധുനിക സാങ്കേതികവിദ്യകളുടെയും മികച്ച അണിയറ പ്രവർത്തകരുടെയും പിൻബലത്തോടെ ചലച്ചിത്രാവിഷ്കാരം നടത്തുന്നു എന്നതാണ് പ്രത്യേകത. കത്തനാർ (the wild sorcerer ) എന്നാണ് ടാഗ് ലൈൻ. വി എഫ്.എക്സ് ആന്റ് വെർച്ച്വൽ പ്രൊഡക്ഷൻസിൽ എത്തുന്ന ഇന്ത്യയിലെ ആദ്യ ചിത്രം എന്നതാണ് ഏറ്റവും വലിയ പ്രത്യേകത. ത്രിഡി വിസ്മയമാണ് ഒരുക്കുന്നത്.
36 ഏക്കറിൽ നാൽപ്പത്തിഅയ്യായിരം അടി ചതുരശ്ര വിസ്തീർണ്ണമുള്ള പടുകൂറ്റൻ സെറ്റാണ് കൊച്ചിയിലെ പൂക്കാട്ടുപടിയിൽ ഒരുക്കിയിരിക്കുന്നത്.ഇവിടെയാണ് ഭൂരിഭാഗം ചിത്രീകരണവും.
തമിഴ് - തെലുങ്ക് സിനിമകളിലൂടെ ഏറെ ശ്രദ്ധേയനായതും മലയാളിയുമായ രാജീവൻ ആണ് സെറ്റ് രൂപകൽപ്പന ചെയ്തിരിക്കുന്നത്. കൊറിയൻ വംശജനും കാനഡയിൽ താമസക്കാരനുമായ ജെ.ജെ. പാർക്ക് ആണ് ആക്ഷൻ രംഗങ്ങൾ കമ്പോസ് ചെയ്യുന്നത്. രചന ആർ. രാമാനന്ദ്. ഛായാഗ്രഹണം നീൽ ഡി. കുഞ്ഞ. രാഹുൽ സുബ്രമണ്യനാണ് സംഗീത സംവിധാനം.എഡിറ്റിംഗ് റോജിൻ തോമസ്. പ്രൊഡക്ഷൻ കൺട്രോളർ സിദ്ദു പനയ്ക്കൽ. പി.ആർ. ഒ വാഴൂർ ജോസ്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
![]() |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |