സത്യം പറയാൻ പേടിക്കണോ ,​ ദിലീപ് - റാഫി ചിത്രം 'വോയ്സ് ഓഫ് സത്യനാഥൻ' ടീസർ പുറത്തിറങ്ങി

ദിലീപിനെ നായകനാക്കി റാഫി സംവിധാനം ചെയ്യുന്ന വോയ്‌സ് ഓഫ് സത്യനാഥൻ എന്ന ചിത്രത്തിന്റെ ടീസർ പുറത്തിറങ്ങി. മുൻ ചിത്രങ്ങളെ പോലെ നർമ്മത്തിന് പ്രാധാന്യം നൽകിയുള്ളതാകും ചിത്രമെന്നാണ് ടീസർ നൽകുന്ന സൂചന. സിനിമ ഉടൻ തിയേറ്ററിലെത്തും. നാലു വർഷത്തിന് ശേഷം തിയേറ്ററിൽ എത്തുന്ന ചിത്രമാണ് വോയ്സ് ഓഫ് സത്യനാഥൻ.

ജോണി ആന്റണി. സിദ്ദിഖ്,​ ജോജു ജോർജ്,​ രമേശ് പിഷാരടി,​ വീണാ നന്ദകുമാർ, ജഗപതി ബാബു എന്നിവരും ദിലീപിനൊപ്പം ചിത്രത്തിൽ പ്രധാനവേഷത്തിലെത്തും. അനുപംഖേർ,​ മകരന്ദ് ദേശ്പാണ്ഡെ,​ അലൻസിയർ,​ ജാഫർ സാദിഖ്,​ ജനാർദ്ദനൻ,​ ബോബൻ സാമുവൽ,​ ബെന്നി പി. നായരമ്പലം,​ ഫൈസൽ,​ ഉണ്ണിരാജ,​ വീണാ നന്ദകുമാർ,​ സ്മിനു സിജോ,​ അംബിക മോഹൻ എന്നിവരും ചിത്രത്തിൽ വേഷമിടുന്നു. അനുശ്രീ അതിഥിതാരമായി എത്തും.

സംവിധാനത്തിനൊപ്പം ചിത്രത്തിന്റെ കഥ,​ തിരക്കഥ,​ സംഭാഷണം എന്നിവയും റാഫി നിർവഹിച്ചിരിക്കുന്നു ബാദുഷ സിനിമാസിന്റെയും ഗ്രാന്റ് പ്രൊ‌ഡക്ഷൻസിന്റെയും ബാനറിൽ എൻ.എം. ബാദുഷ,​ ഷിനോയ് മാത്യു,​ ദിലീപ്. രാജൻ ചിറയിൽ എന്നിവർ ചേർന്നാണ് നിർമ്മാണം.

ജിതിൻ സ്റ്റാനിലസ്, സ്വരൂപ് ഫിലിപ്പ് എന്നിവരാണ് ചിത്രത്തിന്റെ ഛായാഗ്രഹണം. സംഗീതം ജസ്റ്റിൻ വർഗീസ്, എഡിറ്റർ ഷമീർ മുഹമ്മദ്, വസ്ത്രാലങ്കാരം സമീറ സനീഷ്, കല സംവിധാനം എം ബാവ, പ്രൊഡക്ഷൻ കൺട്രോളർ ഡിക്സൺ പൊടുത്താസ്, മേക്കപ്പ് റോണക്സ് സേവിയർ, ചീഫ് അസ്സോസിയേറ്റ് സൈലെക്സ് എബ്രഹാം, അസ്സോസിയേറ്റ് ഡയറക്ടർ മുബീൻ എം റാഫി, ഫിനാൻസ് കൺട്രോളർ ഷിജോ ഡൊമനിക് & റോബിൻ അഗസ്റ്റിൻ, പി.ആർ.ഒ പ്രതീഷ് ശേഖർ, സ്റ്റിൽസ് ഷാലു പേയാട്, ഡിസൈൻ ടെൻ പോയിന്റ്, മാർക്കറ്റിങ്ഒബ്സ്‌ക്ക്യുറ, എന്നിവരാണ് ചിത്രത്തിന്റെ മറ്റ് അണിയറ പ്രവർത്തകർ.