മൊബൈൽ മോഷണം: പ്രതി പിടിയിൽ

ഗാന്ധിനഗർ: ഹോട്ടലിൽ നിന്ന് മൊബൈൽ ഫോൺ മോഷ്ടിച്ച പ്രതിയെ പൊലീസ് അറസ്റ്റ് ചെയ്തു. കാഞ്ഞിരപ്പളളി ചിറക്കടവ്, ശാന്തിഗ്രാം കോളനി ഭാഗത്ത് പുതുപ്പറമ്പിൽ വീട്ടിൽ അനസ് എന്ന ഹാരിസ് ഹസീനയെയാണ് (27) ഗാന്ധിനഗർ പൊലീസ് അറസ്റ്റ് ചെയ്തത്. ഇയാൾ കഴിഞ്ഞ ദിവസം മെഡിക്കൽ കോളജിന് അടുത്തുള്ള ഹോട്ടലിൽ നിന്ന് ഫോൺ മോഷ്ടിച്ച് കടന്ന് കളയുകയായിരുന്നു. പരാതിയെ തുടർന്ന് പൊലീസ് നടത്തിയ അന്വേഷണത്തിൽ ഇയാളെ ആശുപത്രി ബസ് സ്റ്റാൻഡ് ഭാഗത്ത് നിന്ന് പിടികൂടുകയായിരുന്നു. ഗാന്ധിനഗർ എസ്.ഐ സുധി കെ സത്യപാൽ, മാർട്ടിൻ അലക്‌സ്, സി പി ഒ മാരായ ഷമോൻ, സജിത്ത് എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി.